Bugun Ombudsman to‘g‘risidagi qonun yuridik kuchga kirdi

2017-yil 30-avgust kuni “O‘zbekiston Respublikasi Оliy Majlisining Inson huquqlari bo‘yicha vakili (оmbudsman) to‘g‘risidagi” O‘zbekiston Respublikasi qonuniga o‘zgartirish va qo‘shimchalar kiritish haqida”gi O‘zbekiston Respublikasi Qonuni kuchga kirdi, deb xabar berdi Norma.

Foto: Norma

O‘zgartirishlar ombudsmanga kelib tushadigan murojaatlarni ko‘rib chiqish tartibini belgilaydi.
Shikoyatlar og‘zaki, yozma yoki elektron ko‘rinishda bo‘lishi va quyidagi talablarga javob berishi kerak:

Arizachining familiyasi (ism-sharifi), yashash joyidan ma’lumotnoma, NNT borasida shikoyat berilayotganida uning to‘liq nomi, manzili haqida ma’lumot (pochta manzili);
Tashkilot nomi, qarori, harakati yoki harakatsizligi shikoyat qilinayotgan rasmiy shaxsning familiyasi (ism-sharifi), shikoyatchining fikriga ko‘ra, o‘z huquqlarini buzish deya topilgan qarorning mohiyati, harakati yoki harakatsizligi:
Yozma shikoyat arizachi tomonidan yoki NNTning vakolatli shaxsi tomonidan imzolanishi kerak. Agarda arizachi shikoyatga shaxsan imzo cheka olmasa, uni tuzgan odam o‘z familiyasini ko‘rsatgan holda imzo chekishi kerak (ism-sharif).
Elektron ko‘rinishda taqdim etilgan shikoyatlar qonunchilikda o‘rnatilgan talablarga javob berishi kerak.

Ombudsman mustaqil ravishda o‘z huquqiy himoya vositalaridan foydalana olmaydigan shaxslarning inson huquqlari, erkinliklari va qonuniy manfaatlari buzilganligi to‘g‘risidagi ma’lumotlarning mavjudligini o‘zining tashabbusi bilan tekshirishga haqlidir.
Shuningdek, ombudsmanga shikoyatlarni ko‘rib chiqishda qo‘shimcha vakolatlar berildi:

Inson huquqlari va erkinliklari sohasidagi qonun hujjatlari buzilganligi aniqlangan hollarda davlat organlari va boshqa tashkilotlarning rahbarlariga ularni belgilangan muddatlarda ko‘rib chiqish uchun majburiy bo‘lgan sabablari va shart-sharoiti to‘g‘risida tushuntirish berish;
Harakatlari bilan inson huquqlari va erkinliklarining buzilishi aniqlangan shaxslarni javobgarlikka tortish to‘g‘risidagi rasmiy so‘rovnoma bilan tegishli organlarga kirishi;
Davlat bojini to‘lamagan fuqarolarning manfaatlarini ko‘zlab sudlarga ariza va da’vo bilan murojaat qilish.

Hujjatga, shuningdek, ombudsmanning Qoraqalpog‘iston Respublikasi, viloyatlar va Toshkent shahridagi mintaqaviy vakillariga bag‘ishlangan alohida modda kiritilgan bo‘lib, bu ombudsman faoliyati samaradorligini yanada oshishiga xizmat qiladi.
Qonun ombudsman faoliyatining moddiy va boshqa ta’minotining Davlat budjetida alohida belgilanishini ham nazarda tutadi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Bugun Ombudsman to‘g‘risidagi qonun yuridik kuchga kirdi appeared first on Daryo .
Batafsil | Подробно | Read more... Daryo