Uzinfocom endi yagona integrator vazifasini bajaradi

Uzinfocom kompyuter va axborot texnologiyalarini rivojlantirish va joriy etish markazi endilikda davlat axborot tizimlarini yaratish va qo‘llab-quvvatlash bo‘yicha yagona integrator vazifasini bajaruvchi kompaniya sifatida faoliyatini davom ettiradi. Bu haqda “Daryo”ga markaz mutasaddilari ma’lum qildi.

Foto: Uzinfocom

Davlat rahbarining “O‘zbekiston Respublikasi Prezidenti huzuridagi Milliy loyiha boshqaruvi agentligi faoliyatini tashkil etish to‘g‘risida”gi qaroriga muvofiq, Axborot texnologiyalari va kommunikatsiyalarini rivojlantirish vazirligining Uzinfocom kompyuter va axborot texnologiyalarini rivojlantirish va joriy etish markazi negizida davlat axborot tizimlarini yaratish va qo‘llab-quvvatlash bo‘yicha yagona integrator tashkil etiladi.
Yagona integratorga quyidagi vazifalar yuklatildi:
Elektron hukumat tizimi va iqtisodiyot tarmoqlarida axborot texnologiyalari, apparat va dasturiy ta’minot tizimlarini o‘rnatish, shuningdek, axborot tizimlari, resurslar va dasturiy mahsulotlar ishlab chiqish, joriy etish va integratsiyalashni ta’minlash;
Aholi va xo‘jalik yurituvchi subyektlarga elektron davlat xizmatlarini taqdim etilish sifatini oshirish bo‘yicha kompleks chora-tadbirlarni amalga oshirish;
Mahalliy korxona va tashkilotlarni “Elektron hukumat” tizimining loyihalarini amalga oshirish va dasturiy ta’minot mahsulotlarini rivojlantirishga ko‘maklashish;
Davlat organlari, davlat korxonalari va tashkilotlarida axborot tizimlari, resurslar va dasturiy ta’minot mahsulotlari infratuzilmasining texnologik xavfsizligini ta’minlash bo‘yicha tadbirlarni amalga oshirish;
Xalqaro standartlarga muvofiq yuqori texnologiyali xizmatlar va mahsulotlar qatorini kengaytirish, axborot-kommunikatsiya texnologiyalari va dasturiy mahsulotlarning eksport salohiyatini oshirishga ko‘maklashish.
Shubhasiz, Uzinfocom oldiga qo‘yilgan vazifalarni tashkil etish va amalga oshirish bo‘yicha keng ko‘lamli ishlar olib borilishi, shuningdek, O‘zbekiston axborot va kommunikatsiya texnologiyalari hamda dasturiy mahsulotlarini jahon bozoriga chiqish uchun qulay shart-sharoitlar yaratilishi soha rivoji yo‘lida qo‘yilgan katta qadam bo‘lib xizmat qiladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Uzinfocom endi yagona integrator vazifasini bajaradi appeared first on Daryo .
Batafsil | Подробно | Read more... Daryo