Somalidagi mehmonxonaga uyushtirilgan hujum qurbonlari soni 12 kishiga yetdi

Somali poytaxti Mogadishodagi mehmonxonaga uyushtirilgan hujum oqibatida halok bo‘lganlar soni 12 kishiga yetdi, deya xabar bermoqda “RIA Novosti”.

Foto: “RIA Novosti”

Avvalroq, hodisa oqibatida ikki halok bo‘lgani haqida xabar berilgandi .
Hodisa 1-noyabrga o‘tar kechasi Mogadishodagi Sahafi mehmonxonasida yuz bergan. Portlovchi uskuna o‘rnatilgan avtomobil mehmonxona darvozasiga kelib urilgan. Keyinroq noma’lum shaxslar bino tomidan turib otishma keltirib chiqargan.
“Hujum qilgan shaxslar mehmonxona ichkarisiga kirish uchun bomba o‘rnatilgan avtomobilni portlatib yuborgan. Bizda 12 kishi halok bo‘lgani haqida axborot bor”, — deya politsiyachi Abdulrahid Dahirning so‘zlaridan iqtibos keltirmoqda Agence France-Presse.
Halok bo‘lgan shaxslar qaysi davlat fuqarolari ekanligi haqida axborot yo‘q.
Hozircha mintaqadagi hech bir jangari guruh mazkur hodisa uchun javobgarlikni o‘z bo‘yniga olgani yo‘q. Ma’lumot uchun, Somalida “Al-Qoida” bilan yaqin aloqada bo‘lgan “Ash-Shabob” terrorchilik tashkiloti faoliyat olib boradi.
Batafsil | Подробно | Read more... Daryo