Uyqu qanday qilib ozishga yordam beradi?

Sog‘lom uyqu qanday qilib parhez saqlashga, mashq qilishni sevishga va ortiqcha vaznni kamaytirishga yordam berishini ko‘rib chiqamiz.

Foto: Flickr

To‘yib uxlamaslik ortiqcha yeyishga olib keladi
Amerikalik olimlar quyidagicha tajriba o‘tkazdi: ular ikkita to‘rt kunlik sessiyaga ko‘ngillilar guruhini taklif qildi. Birinchi to‘rt kun ichida qatnashchilar 8 soatdan, ikkinchisida esa 4,5 soatdan uxladi. Butun tajriba davomida ular bir xil taomlarni yedi, to‘rtinchi kun esa taomnomaga konfet, chips va pechenyelar qo‘shildi. Qatnashuvchilar kam uxlagan ikkinchi sessiyadan keyin ularda shirinlik va zararli tamaddilarga moyillik kuzatildi.
Yaxshi uyqu parhez saqlashga yordam beradi
2012-yilda Kaiser Permanente Center for Health Research tadqiqotchilari tajriba o‘tkazdi. Unda 500 ga yaqin ortiqcha vaznli kishilar qatnashdi. Tajriba boshlanishidan sutkasiga 6-8 soatdan uxlay boshlagan kishilar 6 soatdan kam uxlagan kishilarga qaraganda ikki marta tezroq o‘z vaznini kamaytirdi. To‘yib uxlagan qatnashchilarda energiya darajasining yuqoriroq va stress darajasining esa pastroq ekanligi aniqlandi.
To‘yib uxlash mashq qilishni sevishga yordam beradi
Kam uxlaydigan kishilar ko‘pincha yugurishga chiqishning o‘rniga televizor qarshisida yarim soat bo‘lsa ham ortiqcha o‘tirishni ma’qul ko‘radi. Bunga sabab — mashq qilish uchun energiyaning yetishmasligi.
Kaiser Permanente Center for Health Research tadqiqotchisi Charlz Elder:
Faol tarzdagi mashg‘ulotlar va vaznni kamaytirish ko‘p miqdorda energiya talab qiladi. Yetarlicha uxlamaslik natijasida sizning kuchlaringiz ertami-kechmi tugab  qoladi. Uyqu kun bo‘yiga yetadigan energiya bilan ta’minlaydi, sport bilan shug‘ullanish uchun energiyangiz yetarli bo‘lsagina vaznni kamaytirish ancha oson bo‘ladi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Uyqu qanday qilib ozishga yordam beradi? appeared first on Daryo .
Batafsil | Подробно | Read more... Daryo