“Daryo” jurnalist va muharrirlarni ishga oladi

O‘zbekistondagi eng ommabop internet-nashrda ishlashni xohlaysizmi? Dunyo va O‘zbekistondagi so‘nggi yangiliklarni o‘z tengqurlaringizga muntazam yetkazishni-chi?

Biz ishga olmoqchi bo‘lgan jurnalist oldiga qo‘yiladigan vazifalar:

“Daryo” internet-nashri uchun xabar va mualliflik maqolalari yozish;
“Daryo” nomidan turli tadbirlar (brifing, matbuot anjumanlari)da ishtirok etish;
Chet el internet-nashrlari va axborot agentliklari xabarlarini tarjima qilish;
va internet-jurnalistikaga bog‘liq boshqa vazifalar.

Biz ishga olmoqchi bo‘lgan muharrir oldiga qo‘yiladigan vazifalar:

“Daryo” jurnalistlari tayyorlagan xabarlarni chop etilishidan avval tekshirish (musahhih sifatida), tahrir qilish (muharrir sifatida);
“Daryo” jurnalistlari tayyorlagan tarjima xabarlaridagi faktlarni chop etilishidan avval manba bilan qiyoslab tekshirish;
“Daryo” internet-nashri uchun xabar va mualliflik maqolalari yozish;
Chet el internet-nashrlari va axborot agentliklari xabarlarini tarjima qilish;
va internet-jurnalistikaga bog‘liq boshqa vazifalar.

Bizda:

Oylik: kelishuv asosida;
Yangi, zamonaviy kompyuter;
Yosh, qiziqarli, xushchaqchaq jamoa;
Bepul, mazali tushlik (bay-bay-bay);
Ofisimiz shaharning qoq markazida (“Hamid Olimjon” metro bekati yonida);
Rasmiy mehnat shartnomasi.

Sizga qo‘yiladigan talablar:

O‘zbek va rus tillarini mukammal bilish (ingliz tilini ham bilish — nur ustiga nur);
Lotin grafikasiga asoslangan o‘zbek yozuvini mukammal bilish;
Yoshingiz: ahamiyatsiz;
Ma’lumotingiz: ahamiyatsiz;
Kompyuterda bemalol ishlash;
Toshkent shahri yoki Toshkent viloyati propiskasi (vaqtincha propiska ham bo‘lishi mumkin).

Qiziqdingizmi? U holda:
Quyidagi maqolalarni tarjima qilib, “Daryo” stilistikasiga moslab, bizga yuboring:

https://meduza.io/news/2017/09/03/zakrylsya-startap-prodavavshiy-bessmyslennye-sokovyzhimalki-za-400-dollarov
https://meduza.io/news/2017/09/03/kreml-nazval-osmotr-amerikantsami-rossiyskogo-konsulstva-v-san-frantsisko-aktom-popraniya-mezhdunarodnogo-prava

“Daryo” stilistikasi nima?

Qisqa va lo‘nda (160—200 so‘z);
Kirish so‘z va xotima;
Raqamlarga e’tibor;
O‘ziga jalb qiluvchi sarlavha;
Eniga kamida 900 pikselli fotosurat.
Bizning talablarni to‘liq tushunib yetish uchun, iltimos, nashrimizdagi xabarlarni yaxshilab o‘rganib chiqing.

Yuqoridagi talablarni bajargan holda, tarjimalaringizni Microsoft Word formatida, rezyumengiz bilan birga info@simple.uz elektron manziliga yuboring. Tarjimasiz xatlar qabul qilinmaydi va ularga javob berilmaydi.
Ta’kidlash joiz, talablarga javob bermagan tarjimalar ko‘rib chiqilmaydi.
“Daryo” nashri haqida
“Daryo” internet-nashri Simple Networking Solutions MChJga tegishlidir. Kompaniya 2011-yilda tashkil topgan bo‘lib, hozirda “Muloqot” ijtimoiy tarmog‘i, “Daryo” internet-nashri va boshqa saytlarni yuritadi.
“Daryo” nashriga bir oyda 1,5 milliondan ortiq kishi tashrif buyuradi. “Daryo” O‘zbekistondagi eng ommabop onlayn-OAV bo‘lib, 2014-yil o‘tkazilgan Milliy UZ domeni internet festivalida ushbu ko‘rsatkich alohida e’tirof etilgan.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “Daryo” jurnalist va muharrirlarni ishga oladi appeared first on Daryo .
Batafsil | Подробно | Read more... Daryo