Ustyurtda 2 million 680 ming AQSh dollari evaziga yangi maktab qurildi

4-sentabr kuni Uz–Kor Gas Chemical qo‘shma korxonasining buyurtmasiga binoan Qo‘ng‘irot tumani “Qirq qiz” posyolkasida yangi zamonaviy 384 o‘rinlik maktabning ochilish marosimi bo‘lib o‘tdi. Bu haqda Qoraqalpog‘iston xabar agentligiga asoslanib, “KRuz.uz” xabar berdi .

Foto: Qoraqalpog‘iston xabar agentligi

Yangidan qurilgan maktab atrofida landshaftli dizayn o‘rnatilgan, boshqa maktablarda uchramaydigan bahosi 4 milliard so‘mga teng bo‘lgan sport yadrosi, zamonaviy sport zali, yog‘ochdan gazlamalar ishlab chiqarish stanoklari, qizlar uchun tikuv mashinalari o‘rnatilgan mehnat xonalari, lingafon xonasi, 14 turdagi milliy asboblar olib kelingan musiqa xonasi, jami 22 ta kompyuter o‘rnatilgan 2 ta informatika xonasi, kutubxona, 120 o‘ringa mo‘ljallangan faollar zali to‘liq foydalanishga tayyor.
2 million 680 ming AQSh dollari sarflangan mazkur zamonaviy obyekt 6 oy davomida ENEP xorij korxonasi, Alrut Build MChJning mohir ustalari tomonidan sifatli qurib bitkazildi. Obyektda 200 dan ortiq ishchi va injenerlar tinimsiz ish olib bordi.

Foto: Qoraqalpog‘iston xabar agentligi

“Qirq qiz” posyolka fuqarolar yig‘inida 700 oilada 4 mingga yaqin fuqaro yashaydi. Shundan 500 ga yaqini maktab yoshidagi bolalarni tashkil etadi.
Ochilish marosimida Qo‘ng‘irot tumani hokimi Sharaprashid Temirbayev, Ustyurt gaz-kimyo kompleksining direktori T.Jo‘rayev ishtirok etdi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Ustyurtda 2 million 680 ming AQSh dollari evaziga yangi maktab qurildi appeared first on Daryo .
Batafsil | Подробно | Read more... Daryo