Kuniga qancha meva va sabzavot iste’mol qilish kerak?

Shifokorlar ham, olimlar ham sabzavotlar va mevalar yurakni sog‘lom tutishda yordam berishini va ko‘plab kasalliklarning paydo bo‘lish xavfini kamaytirishini ta’kidlaydi.

Foto: Depositphotos

Lekin har kuni bitta odamga aynan qancha sabzavot va mevalar talab qilinishi hanuzgacha tortishuvlarga sabab bo‘lmoqda.
Masalan, yaqinda o‘tkazilgan tadqiqotlardan birining mualliflari yurak-tomir kasalliklari xavfini kamaytirish uchun bir kunda 800 g dan kam bo‘lmagan miqdorda sabzavot va mevalar iste’mol qilinishi kerak deb hisoblaydi.
Olimlarning xalqaro guruhi 35 yoshdan 70 yoshgacha bo‘lgan 135 335 nafar odamlarning sog‘lig‘i haqidagi ma’lumotlar yordamida tadqiqot o‘tkazdi. So‘rovning boshlanish paytida ular yurak-tomir kasalliklariga chalinmagan edi.
Tadqiqotchilar shunday xulosaga keldi: 375 g sabzavot va mevalar organizmni yurak-tomir kasalliklaridan himoya qila oladi va barvaqt o‘lim ehtimolini kamaytiradi.
Tadqiqotlarda dunyoning 18 mamlakatidagi 613 uyushma yashovchilari qatnashdi. Ishtirokchilar daromadlari darajasi bir-biridan farq qiladi.
Yangi tadqiqot qatnashchilari o‘zlarinig ijtimoiy-iqtisodiy darajasi, oilaviy ahvoli, yashash tarzlari va zararli odatlari haqidagi so‘rovnomani to‘ldirdi. Ishtirokchilar yurak-tomir kasalligining shaxsiy va oilaviy tarixi haqida aytib berdi.
Tadqiqotlarda 2003-yilning yanvaridan 2013-yilning martigacha qatnashish mumkin edi. 2017-yil bahorida olimlar so‘rovlar natijalarini va sog‘liqni saqlash tizimlari tomonidan yig‘ilgan ma’lumotlarni to‘pladi. Ishtirokchilarning ahvolini kuzatish o‘rtacha 7 yilga yaqin davom etdi.
Natijada bu davr davomida 4784 holatda yurak-tomir kasalliklari va bu kasalliklar oqibatida 1649 o‘lim holati qayd etildi. Bu davr ichida jami 5796 qatnashchi vafot etdi.
Bir kunda 375 g dan 500 g gacha meva va sabzavotlar iste’mol qilganlar ichida o‘lim ko‘rsatkichi eng past ekanligi qayd qilingan. Bu ko‘rsatkich daromad darajasiga bog‘liq emasligi ham aniqlangan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Kuniga qancha meva va sabzavot iste’mol qilish kerak? appeared first on Daryo .
Batafsil | Подробно | Read more... Daryo