Suriyada IShID “mudofaa vaziri” Gulmurod Halimov o‘ldirildi

Rossiya aviatsiyasi Dayr az-Zor shahrida IShID qo‘mondonlik punkti, aloqa tarmog‘i va 40 nafar jangarini yo‘q qildi. Bu haqda Rossiya mudofaa vazirligi matbuot xizmati ma’lum qildi, deya xabar beradi “TASS”.

Foto: “TASS”

O‘ldirilgan jangarilar orasida 4 nafar nufuzli dala qo‘mondoni, jumladan, IShID “mudofaa vaziri” Gulmurod Halimov va “Dayr az-Zor amiri” Abu Muhammad ash-Shimoliy bo‘lgani bildirilmoqda.
2015-yilda jangarilar tomoniga qochib o‘tgan Tojikiston IIV maxsus bo‘linmasining sobiq qo‘mondoni Gulmurod Halimov Abu Umar ash-Shishaniy yo‘q qilinganidan so‘ng IShID “mudofaa vaziri” lavozimini egallagandi. OAV uning terrorchilar yetakchisi Abu Bakr al-Bag‘dodiyning vorisi etib tayinlangani haqida ma’lum qilgandi.
Saudiya Arabistoni fuqarosi bo‘lgan Abu Muhammad ash-Shimoliy IShIDning “moliyaviy masalalar bo‘yicha amiri” sanalardi. U logistika, yollangan shaxslarni mashg‘ulot bazalariga yetkazish bilan ham shug‘ullangan. Yevropa maxsus xizmatlari ash-Shimoliyni Parijda 2015-yil noyabrida amalga oshirilgan teraktlar tashkilotchisi hisoblaydi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Suriyada IShID “mudofaa vaziri” Gulmurod Halimov o‘ldirildi appeared first on Daryo .
Batafsil | Подробно | Read more... Daryo