Anzur Ismoilov Luis Felipe Skolari boshqaradigan “Guanjou Evergrand” darvozasiga gol urdi

O‘zbekiston milliy terma jamoasining asosiy himoyachilaridan biri Anzur Ismoilov Xitoy Super Ligasining 24-turida o‘z hisobiga gol yozib qo‘ydi.

Foto: Google Images

Liga peshqadami hisoblangan “Guanjou Evergrand” mehmoni bo‘lgan Ismoilov jamoadoshlari 1:3 hisobida imkoniyatni boy berdi. Jamoasining yagona golini Janubiy Koreyaga qarshi bellashuvdan keyingi intervyusi sabab hijolatli ahvolda qolgan Anzur Ismoilov kiritdi.

“Suriya yutqazmadimi? Vay, tugabdi-da hammasi!”. Noxush xabardan jonli efirdagi intervyu vaqtida xabar topgan Anzur Ismoilov (video)

Ismoilov Toshkentning “Bunyodkor” klubidagi faoliyati davomida braziliyalik Luis Felipe Skolari qo‘li ostida shug‘ullangandi. Bundan kelib chiqib, u Xitoyda sobiq ustozi boshqaradigan klub darvozasiga yo‘l topdi deyish mumkin.
Bu Anzurning mavsumdagi ikkinchi aniq zarbasi bo‘ldi. Bungacha u 6-may kuni “Tianjin Kuanjin” klubi postiga ham gol urib, jamoasining 3:1 hisobidagi g‘alabasini ta’minlashga ko‘maklashgandi. Ismoilov mavsum davomida “Chanchun Yatay”ning 19 ta o‘yinida maydonga tushdi.
O‘zbekiston milliy terma jamoasi sardori Odil Ahmedov jamoasi “Shanxay SIPG” ham mazkur turda 3 ochkoni qo‘lga kiritdi. Ahmedovning o‘zi o‘yin qaydnomasiga kiritilmadi.
Bugun — 10-sentabr kuni Yegor Krimets harakat qiladigan “Beydzing Guoan” o‘z maydonida liganing so‘nggi o‘rinda borayotgan jamoasini qabul qiladi.
Xitoy Super Ligasi
24-tur o‘yinlari
9-sentabr, shanba
“Guanjou Evergrand” — “Chanchun Yatay” 3:1
Gollar: Rikardo Gulart, 26 (1:0). Rikardo Gulart, 59 (2:0). Anzur Ismoilov, 61 (2:1). Alan, 66 (3:1).
“Shanxay SIPG” — “Tianjin Teda” 3:1
Gollar: Vu Lei, 11 (1:0). Yu Xai, 15 (2:0). Pan Ximing, 67 (2:1). Elkesen, 80 (3:1).
10-sentabr, yakshanba
“Beydzing Guoan” — “Yanbian Funde”

Foto: Soccerway

“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Anzur Ismoilov Luis Felipe Skolari boshqaradigan “Guanjou Evergrand” darvozasiga gol urdi appeared first on Daryo .
Batafsil | Подробно | Read more... Daryo