Mixail Saakashvili Ukraina chegarasidagi mudofaani yorib o‘tib mamlakat hududiga kirib keldi

Gruziya sobiq prezidenti va Odessa viloyati ma’muriyatining sobiq rahbari Mixail Saakashvili o‘z tarafdorlari bilan Polsha chegarasiga o‘rnatilgan maxsus kuchlarning mudofaasiga qaramay, Ukraina hududiga “bostirib” kirdi. Ular mamlakat hududiga kirishganidan so‘ng, kuchlar chekinib vaziyatga aralashmadi, deb xabar berdi TJournal.

Foto: TJournal

Ukrainalik deputat Yuriy Derevyanko NewsOne kanaliga bergan intervyusiga ko‘ra, odamlar Ukraina va Polsha chegarasidagi “Shegini” nazorat postiga to‘planib olishgan va qanchadir muddatga maxsus kuchlarning mudofaasini yorib o‘tib, Saakashvili hamda uning tarafdorlarini “zich halqa ko‘rinishida o‘ragan holda mamlakat hududiga olib kirishgan”.
Ukraina Davlat chegara xizmati rahbarining yordamchisi Oleg Slobodan esa nazorat punktida janjal bo‘lganini so‘zladi. Uning so‘zlariga ko‘ra, ushbu vaziyat oqibatlarini “hatto taxmin qilish ham qiyin”.
7-sentabr kuni Saakashvili Ukraina hududiga uch kundan so‘ng, rafiqasi, kichik o‘g‘li va Yuliya Timoshenko bilan “o‘z huquqlarini himoya qilish” maqsadida yetib kelishini ma’lum qilgandi.
Avvaliga Mixail Saakashvili chegarani “Krakovets” orqali kesib o‘tmoqchi edi, biroq kutilmaganda rejalar o‘zgarib qolgan va u “Peremishl — Kiyev” tezyurar poyezdiga o‘tirgan. Qanchadir vaqtdan so‘ng poyezd to‘xtagan va uning ichida baland ovozda “Ukraina hududiga kirishi taqiqlangan fuqarolar vagondan tushmagunicha, poyezd hech qayerga yurmaydi”, deya e’lon yangragan. Shundan so‘ng, siyosatchi va uning tarafdorlari Polshaning “Medika” nazorat posti orqali hech qanday muammosiz chegarani kesib o‘tgan, ammo “Shegini” nazorat postida ularni Ukraina maxsus kuchlari kutib olishgan.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Mixail Saakashvili Ukraina chegarasidagi mudofaani yorib o‘tib mamlakat hududiga kirib keldi appeared first on Daryo .
Batafsil | Подробно | Read more... Daryo