Samarqandda fuqarolar birlashib hokim qarorini bekor qilishga muvaffaq bo‘ldi

Samarqand shahridagi “O‘zbekiston” mahallasining fuqarolari “Fuqarolarning o‘zini o‘zi boshqarishi” to‘g‘risidagi qonunda keltirilgan o‘z huquqidan foydalangan holda, shahar hokimining ko‘p qavatli bino qurish borasidagi qarorini bekor qilishga muvaffaq bo‘ldi, deb xabar berdi “1news.uz”.

Foto: “1news.uz”

2017-yilning 24-aprelida “O‘zbekiston” mahallasi raisi A.Bozorov mahalla fuqarolini yig‘ib, M.Saidova ismli tadbirkor ushbu hududda uch qavatli bino qurishni rejalashtirayotgani va aholining bu boradagi fikri qanday ekanligini aniqlash maqsadida majlis o‘tkazgan. Bayonnomaga ko‘ra, majlisda 96 nafar fuqarolar yig‘ini vakillarining uchdan bir qismi ishtirok etgan va tadbirkor mahallaga navbatdagi ko‘p qavatli binodan tashqari mahalla uchun yangi bino qurishni hamda hududni obodonlashtirishni va’da bergan. Biroq hammasi kutilganidek oson bo‘lib chiqmagan.
“Bizning mahalla guzarimiz 19 sotix joyni egallagan. Aholi ushbu hududga o‘z qo‘llari bilan daraxtlar ekib uni haqiqiy bog‘ga aylantirgan. Aynan shu yerda ko‘pchiligimizning oilaviy bayramlarimiz nishonlangan. Kechasi shaxmat o‘ynash uchun bu yerga erkaklar to‘planishar, favvoralar atrofida ayollarimiz va kelinlarimiz farzandlarini sayr qildirar edi. Mahallamiz uch bora respublikadagi eng yaxshi deya topilgan. Endichi? Quruvchilar hech qanday qonuniy asossiz, faqatgina hokim qarori bo‘yicha bir haftada 46 ta manzalari va mevali daraxtlarni chopib tashladi, favvora va hovuzlari sindirdi…”, — deydi “O‘zbekiston” mahallasi oqsoqollaridan biri, falsafa fanlari nomzodi Sayfullo Suyunov.
Mahalla aholisi bunga nisbatan chora ko‘rishga kirishdi. 250 nafardan ortiq aholining imzosi tushirilgan shikoyat xati O‘zbekiston Prezidenti devonxonasiga, viloyat va shahar prokuraturalariga yuborildi.
Fuqaro M.Saidovaga“O‘zbekiston” mahallasidagi daraxtlarni chopish bo‘yicha ruxsat Samarqand shahri hokimi V.Rahimovning qarori asosida 2017-yilning 20-iyunida taqdim etilgan bo‘lsa, 30-iyun kuni hokimning o‘zi ushbu qarorni ijro etish borasidagi barcha tegishli hujjatlar tekshirilguniga qadar to‘xtatib qo‘yilganini ma’lum qildi.
“Hozirda shahar hokimining binoni qurilishi bekor qilinganligi to‘g‘risidagi qarori qo‘limizda va biz haqiqat yuzaga chiqqanidan xursandmiz, biroq bu yetarli emas. Bizning vayron bo‘lgan guzarimizni qayta tiklab berishlarini talab qilamiz. Hisob-kitoblarimizga ko‘ra, umumiy miqdorda 80 million so‘mlik zarar yetkazilgan. Bunga javobgar shaxslar ushbu mablag‘ evaziga guzarni qayta tiklashi, favvora va hovuzlarni qurishi, daraxtlarni ekishi lozim”, — dedi Sayfullo Suyunov.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Samarqandda fuqarolar birlashib hokim qarorini bekor qilishga muvaffaq bo‘ldi appeared first on Daryo .
Batafsil | Подробно | Read more... Daryo