Avstraliyada aktyor Jonni Depp ikkita kuchukchasini mamlakatga ruxsatsiz olib kirgani bo‘yicha sud majlisi o‘tkazildi

Avstraliyaning Gold-Kost shahrida 2-noyabr, dushanba kuni mashhur Gollivud aktyori Jonni Depp va uning rafiqasi Ember Xyord ishi bo‘yicha ikkinchi sud majlisi bo‘lib o‘tdi, deb yozadi “TASS”.

Foto: AP

Ular joriy yilning aprelida Kvinslend shtatiga o‘zlari bilan Yorkshir teryeri zotidagi itlarini olib kelib, bu haqda mamlakat veterinariya xizmatlarini xabardor qilmagan, va shu tariqa mahalliy qonunni buzgan edi .
Ushbu ish bo‘yicha birinchi sud majlisi 8-sentabrda bo‘lib o‘tgan, biroq u juda qisqa bo‘lib, texnik xususiyat kasb etgan edi. Bugungi majlis ham uzoq davom etmadi. Ayblov va himoya tomonlari bir-biri bilan maslahatlashib olish uchun yana ikki hafta muddat so‘radi, bu so‘rov qondirildi. Keyingi sud majlisi 16-noyabrga belgilandi.
Sudda Depplar oilasi nomidan Ember Xyord himoyalanadigan bo‘ldi, biroq u bugungi majlisga kelmadi, unga mahalliy advokat vakillik qildi. Xyord jonivorlarni Avstraliyaga noqonuniy ravishda olib kirish va kirish hujjatlarini qalbakilashtirishda aybdor deb topilsa, u 100 ming dollarlik jarima yoki 10 yillik qamoq jazosiga mahkum etilishi mumkin.
Batafsil | Подробно | Read more... Daryo