Moskvaliklar tojikistonlik yigitdan topib olgan hamyonni egasiga qaytargani uchun minnatdor bo‘ldi

Moskvalik Alyona Kuratova hamyonini bank kartalari bilan birga yo‘qotib qo‘ydi. Biroq uning pullari Zabehullo ismli tojikistonlik yigitning harakatlari tufayli to‘lig‘icha qaytib keldi. Bu haqda “Novosti Tadjikistana” nashri xabar beradi .

Foto: Medialeaks

Ma’lum bo‘lishicha, Tojikistonning Panjikent shahri yaqinidagi Margedar qishlog‘idan bo‘lgan Zabehullo Shafe’zoda qizning hamyonini do‘kondan topib olgan. U bilan bog‘lanish mumkin bo‘lgan ma’lumotlarni topa olmagan yigit qizning kartochkasiga kichkina summadagi pul o‘tkazmalari bilan birga qisqa xabar ham yubora boshlaydi. Bu haqdagi ma’lumot Alyonaning mobil telefoniga SMS-xabar shaklida boradi.

Foto: Medialeaks

Shundan so‘ng, hamyon egasi unga qo‘ng‘iroq qilgan. Shafe’zoda hamyonni qizning uyiga olib borib bergan.
Ijtimoiy tarmoq foydalanuvchilari nafaqat uning halolligi, balki topqirligiga ham tan berdi. Ular Zabehulloning bu ishini javobsiz qoldirmaslikka qaror qildi. Alyonaning internetdagi postida qolgan kartochka ma’lumotlari bo‘yicha ular tojikistonlik yigitga kichik pul o‘tkazmalarini yubordi.
Batafsil | Подробно | Read more... Daryo