Shamollash yangi boshlangan hollarda qanday qilib tez oyoqqa turish mumkin?

Bosh og‘riydi, et uvishishi boshlanadi, butun badaningiz qaqshab og‘riydi… Kasallikning bunday birinchi alomatlari hammaga tanish bo‘lsa kerak. Agar aynan hozir kasal bo‘lish hech mumkin emas bo‘lsa, masalan: kechqurun taqdimot yoki boshqa muhim tadbir bo‘lsa nima qilish kerak?

Foto: “7days.ru”

Avval vaziyatni aniqlash kerak: bu grippmi yoki nafas yo‘llarining o‘tkir virusli infeksiyasimi? Birinchi holatda lohaslik tez rivojlanadi, harorat keskin ko‘tariladi (balki 40 darajagacha), bosh og‘riydi, mushaklarda og‘riq, ko‘ngil aynish va qayt qilish kuzatiladi.
Gripp kasalligining boshlang‘ich bosqichida tumov va yo‘tal bo‘lmaydi. Gripp taxmin qilinganida, shifokorlar darrov mutlaqo “taslim bo‘lish” — uyda qolishni va shifokor chaqirishni tavsiya qiladi. Aks holda yomon oqibatlarga olib keladigan va hayot uchun xavfli bo‘lgan asoratlar qolishi mumkin.
Agar nafas yo‘llarining o‘tkir virusli infeksiyasi bo‘lsa, unda mustaqil ravishda kurashish mumkin. Bu kasallikning birinchi alomatlari — tomoqning qichishishi, tumov va yo‘tal, shuningdek haroratning ko‘tarilishi. Shuning uchun birinchi navbatda organizmda kasallikni rivojlantiruvchi manbalarga hujum qilishni tashkillashtirish kerak.
Shamollash yangi boshlanganda tez oyoqqa turishga yordam beruvchi 5 qadam
Birinchi qadam — tumovdan qutulamiz
Burunni tuzning kuchsiz eritmasi yoki moychechak damlamasi bilan yuvishni boshlash kerak, bu amal virusning shilliq qavatlarga o‘rnashib olishi va chuqurroq kirib ketishiga yo‘l qo‘ymaydi.
Xonaning havosi haddan tashqari quruqlashib ketmasligi uchun batareya yoniga idishga suv solib qo‘ying. Infeksiya tarqalmasligi uchun esa tez-tez shamollatib turing.
Ikkinchi qadam — tomoqni davolaymiz
Tomoqni vaqti-vaqti bilan furatsilin yoki moychechak damlamasi bilan chayqab turing. Yoki quyidagi usulda aralashma tayyorlang: 1 ch. q. tuz, 1 ch.q. soda va 3-5 tomchi yod. Shimish uchun tabletkalar sotib oling. Bo‘yinga — issiq ro‘mol.
Uchinchi qadam — yo‘talni davolaymiz
Eng ishonchli vosita – evkalipt, oqqarag‘ay va choy daraxti efir yog‘lari yoki — mavrak, qizilpoycha va zupturum kabi dorivor o‘tlar bilan ingalyatsiya qilish. Asal qo‘shilgan o‘tli choylar yoki oddiy suvni iliq holda ichish.
To‘rtinchi qadam — immunitetni mustahkamlaymiz
Agar harorat 38,5 darajadan oshmasa isitmani tushuruvchi vositalarni qo‘llamaslik lozim. Bu organizm butun kuchini ishga solib infeksiya bilan kurashayotganini bildiradi. Bunda unga ko‘p miqdorda C vitamini tabletkalari, yoki sitruslilar masalan, greypfrut ekstrakti yordam beradi.
Beshinchi qadam — organizm uchun hordiq
Bu choralarni qo‘llab, kuch to‘plash uchun o‘zingizga imkoniyat bering. Yaxshisi o‘zingizni og‘ir ovqatlardan tiying, ko‘proq suyuqliklar (mors, choy yoki suv) iching, yoting va uxlashga harakat qiling.
Biroz vaqt o‘tgandan so‘ng o‘zingizni yaxshiroq his qila boshlaysiz va tadbirga yoki muhim uchrashuvga qatnashishingiz mumkin. Lekin undan keyin — shamollash kuchayib ketmasligi uchun albatta davolash ishlarini davom ettiring.
Manba: “7days.ru”
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Shamollash yangi boshlangan hollarda qanday qilib tez oyoqqa turish mumkin? appeared first on Daryo .
Batafsil | Подробно | Read more... Daryo