Misrda qulagan A321 layneri tashqi ta’sirga uchramagan, uchuvchi esa samolyot radarlardan yo‘qolishidan avval hech qanday nosozlik haqida axborot bermagan. Bu haqda, “RBK”ning ma’lum qilishicha , “qora qutilar”ni o‘rganish bo‘yicha dastlabki xulosalardan boxabar manbaga asoslanib, Reuters agentligi xabar bermoqda.
Foto: Straits Times
Agentlikning hodisa yuzasidan tergov harakatlarini olib borayotgan Misr mas’ullariga asoslanib xabar berishicha, samolyot tashqi ta’sirga uchramagan.
Avvalroq Moskvada tashkil etilgan matbuot anjumanida Metrojet (“Kogalimavia”) aviakompaniyasi rahbariyati samolyotning havoda ishdan chiqishining faqat bitta aniq izohi borligi, ya’ni, havo kemasiga tashqaridan ta’sir ko‘rsatilganini ma’lum qilgandi.
“Samolyot havoda buzilib ketishiga sabab bo‘ladigan nosozlikning o‘zi yo‘q. Mazkur holatda samolyot yerdan berilgan zarba oqibatida buzilib ketgan. A320 — juda ishonchli samolyot, uning tizimi uchuvchi qo‘pol xatoga yo‘l qo‘ygan vaqtda ham katta yuklamalarga chiqishga imkon bermaydi”, — dedi Metrojet bosh direktorining parvozlarni tashkil etish masalalari bo‘yicha o‘rinbosari Aleksandr Smirnov.
Metrojet aviakompaniyasining Sharm-ash-Shayxdan Sankt-Peterburgga uchayotgan Airbus A321 layneri 31-oktabr, shanba kuni Misrning El-Arish shahridan 100 kilometr uzoqlikda quladi . Samolyot bortida bo‘lgan barcha 224 kishi (217 yo‘lovchi hamda ekipajning 7 a’zosi) halok bo‘ldi .
Xalqaro aviatsiya qo‘mitasi (XAQ) ekspertlarining fikricha, samolyot katta ehtimol bilan havodaligidayoq buzilib ketgan. XAQ ijrochi direktori 1-noyabr kuni bergan bayonotida samolyot bo‘laklari 20 kvadrat kilometr maydonga sochilib ketganini ma’lum qilgandi. TASS manbalarining aytishicha, layner havoda yonib ketgan.
Metrojet’ning texnik direktori Andrey Averyanov esa 2-noyabr, dushanba kuni bo‘lib o‘tgan matbuot anjumanida A321’ning dum qismida haqiqatan ham aviahalokatga qadar buzilgan joy borligini tasdiqladi. Ma’lum bo‘lishicha, layner hali Livanning Middle East Airlines aviakompaniyasiga tegishli bo‘lgan 2001-yilda qo‘nish vaqtida dum qismini uchish-qo‘nish yo‘lagiga urib olgan.
Batafsil | Подробно | Read more... Daryo
Related News
Top News
-
"Олимпиакос" ярим ҳимоячиси: "Жамоа тарихга кирди"
"Олимпиакос" ярим ҳимоячиси Сантьяго Эссе Конференциялар лигаси финалида "Фиорентина" устидан қозонилган ғалаба (1:0) ҳақида фикр билдирди.
-
Конференциялар лигасида ҳафтанинг энг яхши футболчиси бўлишга даъвогарлар эълон қилинди
УЕФА матбуот хизмати Конференциялар лигасида ҳафтанинг энг яхши футболчиси номига даъвогарларни эълон қилди.
-
Qirg‘iziston parlamenti oiladagi zo‘ravonlik uchun jazoni kuchaytirishga qarshi chiqdi.
Deputatlar qirg‘iz mentalitetini unutmaslikka chaqirib, qonun loyihasini qaytarib yuborishdi..
-
О мерах по организации деятельности Государственной академии спорта Узбекистана
Постановление Президента Республики Узбекистан №ПП-197. Дата принятия 28.05.2024. Дата вступления в силу 29.05.2024
-
Сауль Альварес мутлақ жаҳон чемпионлиги унвонидан маҳрум бўлиши мумкин
Иккинчи ўрта вазн тоифасида мутлақ жаҳон чемпиони Сауль Альварес IBF камаридан воз кечишни режалаштиряпти.
-
"Интер Майами"нинг мағлубиятсиз серияси узилди
"Интер Майами"нинг 8 ўйинлик мағлубиятсиз серияси узилди.