Xitoyning C919 birinchi yo‘lovchi samolyoti Shanxayda konveyerdan chiqdi

Xitoyda ishlab chiqarilgan birinchi yo‘lovchi samolyoti – C919 2-noyabr, dushanba kuni Shanxayda konveyerdan chiqdi. Bu haqda “RIA Novosti” “Sinxua” agentligi ma’lumotiga tayanib xabar beradi .

Foto: “RIA Novosti”

C919 – Xitoyning 158 ekonom-klass o‘rniga va 4075 kilometr parvoz davomiyligiga ega bo‘lgan birinchi magistral samolyoti loyihasidir. Loyiha COMAC (Commercial Aircraft Corporation of China) tomonidan G‘arb yetkazib beruvchilarini faol jalb qilgan holda amalga oshirilmoqda.
Samolyotning birinchi sinov parvozi kelasi yilga rejalashtirilgan. Undan tijorat maqsadida uch yil davomidagi sinov parvozlaridan so‘ng foydalanish mumkin bo‘ladi.
COMAC allaqachon 21 nafar buyurtmachidan 517 ta samolyotga buyurtma oldi.

Top News