Gavayida yashovchi 10 yoshli bola akula hujumidan omon qoldi

Gavayi orollarida yashovchi 10 yoshli Reymond Senensi bodibording (yotgan holatda doskada suzish) bilan shug‘ullanayotganida hujum qilgan akulaning tumshug‘iga oyog‘i bilan zarba berib, qirg‘oqqa chiqib olishga muvaffaq bo‘lgan. Hodisa Oaxu orolida, Makaxa Bich plyajida ro‘y bergan, deya xabar beradi   Metro.

Foto: AP

Senensining aytishicha, akula “yo‘q joydan paydo bo‘lgan” va uning oyog‘idan tishlagan. Bola sarosimaga tushmagan va boshqa oyog‘i bilan yirtqich baliqning tumshug‘iga tushirgan, shundan so‘ng akula ortga qarab suzib ketgan.  Hujum chog‘ida uning yonida bo‘lgan yana bir bodiborder — Mayk Uord yigitchaga qirg‘oqqa chiqib olishga yordam bergan, shundan so‘ng, Senensi kasalxonaga yotqizilgan.
Reymondning oyog‘ida uchta chuqur yara qolgan. Shifokorlarning aytishicha, jabrdiyda o‘ziga kelmoqda va yaqin orada unga javob beriladi.

Foto: AP

Ma’lumotlarga ko‘ra, bu 2015-yil boshidan beri Gavayida sodir bo‘lgan yettinchi hodisa. Rasmiylar buni akulalar soni ortgani bilan emas, mazkur orollarda dam olayotganlar ko‘paygani bilan izohlamoqda.
Batafsil | Подробно | Read more... Daryo