Rossiya mezbonligidagi Jahon Chempionatiga borasizmi? Bugundan chiptalar sotuvga chiqdi

2018-yil Rossiyada bo‘lib o‘tadigan futbol bo‘yicha Jahon Chempionatining chiptalari bugundan sotuvda. Bu haqda FIFA sayti xabar berdi. “Championat.asia” nashri esa chipta sotib olish tartibini o‘zbek tilida tushuntirdi .

Foto: FIFA

14-sentabr Toshkent vaqti bilan 14:00 dan boshlab butun jahon futbol ishqibozlari katta bayramga qo‘shilishi mumkin. Chunki bu vaqtda JCh—2018 chiptalari sotuvi FIFA.com saytida boshlanadi.
Biz barcha muxlislarga teng imkoniyat taqdim etadigan chipta xarid qilish tizimini ishlab chiqdik. Mundiallarda muxlislar sport bayramining muhim qismi bo‘lib kelgan. Rossiyadagi Jahon Chempionati bu boradagi an’analarini davom ettirib, tashkilotchilik va turnir atmosferasi tomondan unikal voqelikka aylanadi.
Fatma Samura, FIFA bosh kotibi
Chiptalar sotuvi bir necha bosqichdan iborat bo‘ladi. Masalan, birinchi bosqichning o‘zi ikki davrdan iborat.
I bosqich
1-davr. 14-sentabrdan 12-oktabrgacha davom etadi. Siz istalgan kun uchun chiptaga so‘rov bersangiz, hamma so‘rovlar uchun imkoniyat teng bo‘ladi. Oldin buyurtma bergan odam imkoniyati, keyinroq bergan odamnikidan yuqori emas, shunchaki, belgilangan vaqtda berilsa bo‘ldi. Agar so‘rovlar soni chiptalar sonidan oshib ketsa, chipta egasi tasodifiy qur’a yo‘li bilan aniqlanadi. So‘rov berganlarning barchasiga 16-noyabr kuni javob xati keladi.
2-davr. 16—28-noyabr kunlari bo‘lib o‘tadi. Bu vaqtda chiptalar jonli navbat yo‘li bilan sotiladi.
II bosqich
2017-yilning 1-dekabr kuni JCh—2018 ga qur’a tashlanadi va II bosqich boshlanadi. U birinchisi kabi tasodifiy qur’a (5-dekabrdan 31-yanvargacha) va jonli navbat (13-martdan 3-aprelgacha) yo‘li bilan aniqlanadi.
Bu bosqichdan muvaffaqiyatli o‘tganlarga chiptalar mundial boshlanishiga bir necha hafta qolganda tekinga yetkazib beriladi. Chiptalarni yetkazib berish aprel—may oylaridan oldin boshlanmaydi.
“So‘nggi onlar” sotuvi
Chiptalarni sotib olishning so‘nggi imkoniyati “So‘nggi onlar” bosqichida bo‘ladi. Chiptalar jonli navbat usulida sotiladi. Bu bosqich 18-aprelda boshlanib, JCh—2018 finali bo‘lib o‘tadigan 15-iyulda yakuniga yetadi.

I bosqichda qaysi tipdagi chiptalarni xarid qilish mumkin?


Alohida bir o‘yin uchun chiptalar. Ya’ni, turnirdagi xohlagan uchrashuvingiz uchun.
Alohida bir stadion uchun chiptalar paketi. Ya’ni, aniq bir stadionda o‘tkaziladigan uchrashuvlar uchun chiptalar jamlanmasi. Unga ochilish o‘yini kirmaydi, guruh bosqichi, 1/8 final va 3-o‘rin uchun bahslar esa kiradi. Masalan, “Lujniki” stadioni uchun chiptalar paketiga guruh bosqichining 3 ta o‘yini 1/8 finalning 1 ta uchrashuvi kiradi. Bu kabi paketlar talab katta bo‘lgan ochilish, yarim final va final o‘yinlarini o‘z ichiga olmaydi.
Alohida bir jamoaning o‘yinlari uchun chiptalar paketi. Ya’ni, alohida terma jamoa uchun chiptalar paketi. Bunday tipdagi chiptalar bilan 3 tadan 7 tagacha uchrashuv tomosha qilish mumkin. Bunday paket faqat I bosqichda sotiladi.
Rossiyaliklar uchun chiptalar. 2010 va 2014-yilgi mundiallar kabi, mezbon mamlakat rezidentlari uchun maxsus narx bo‘yicha alohida kategoriyadagi chiptalarni xarid qilishning eksklyuziv imkoniyati bo‘ladi. Narx 1280 rubldan boshlanadi.
Alohida kategoriyadagi shaxslar uchun chiptalar. FIFA nogiron, kam ta’minlangan va ortiqcha vaznga ega bo‘lgan muxlislar uchun alohida chiptalar ajratishga qaror qilgan.


Foto: Google Images

Xarid qilish usullari
I va II bosqichlarda chiptalarni quyidagi yo‘l bilan xarid qilish mumkin:

Visa bank kartalari (FIFA rasmiy hamkori)
Boshqa to‘lov usullari
Muxlis pasporti


Foto: Google Images


Rossiya hukumati tashabbusi bilan JCh—2018 o‘yinlari uchun chipta xarid qilgan har bir ishqiboz muxlis pasportiga ham ega bo‘lishi kerak. Tasodifiy qur’a yo‘li bilan chipta xarid qilish muddati tugagach, chipta egalariga muxlis pasporti uchun so‘rovnoma yuborishni maslahat beramiz. Pasport bepul beriladi.
Bu noqulaylik emas, aksincha, muxlislarga qulaylik yaratadi. Ularga qo‘shimcha xizmat va ustunliklar taqdim etiladi. Masalan, Rossiya hududiga vizasiz kirish imkoniyati, mundialga mezbonlik qiluvchi shaharlar orasida tekin sayohat, uchrashuv kuni jamoat transportidan bepul foydalanish. Muxlis pasporti haqida qo‘shimcha ma’lumotlar www.fan-id.ru saytida berilgan.
FIFA so‘rov berish, muxlis pasportini yetkazish yoki undan foydalanish uchun ma’suliyatni o‘z zimmasiga olmaydi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Rossiya mezbonligidagi Jahon Chempionatiga borasizmi? Bugundan chiptalar sotuvga chiqdi appeared first on Daryo .
Batafsil | Подробно | Read more... Daryo