Qosimov “Neftchi”ga umuman imkoniyat bermagani haqida, Abramov futbol o‘ynamayotgani haqida gapirdi

“Bunyodkor” va “Neftchi” klublarining Oliy Liga 21-turidagi to‘qnashuvidan so‘ng bosh murabbiylar Mirjalol Qosimov hamda Vadim Abramov matbuot anjumanida ishtirok etdi. Avvalroq Farg‘ona klubi Toshkentda imkoniyatni boy bersa, Vadim Abramov ishdan ketishi mumkinligi aytib o‘tilgandi.

Foto: “Bunyodkor”

O‘yinni qanday ta’riflashga ham hayronman. Nima deb izoh berishni bilmayman.
Biz umuman futbol o‘ynamayapmiz. Jamoamiz raqibga umuman qarshilik ko‘rsatmayapti, kurash taklif etmayapti. Biz o‘zimiz yutqazib beryapmiz, bizga g‘alaba yetishmayapti. Futbolchilarimiz bir-birlariga to‘p uzatishga qo‘rqmoqda. “Neftchi” raqibni o‘yini bilan qiyin ahvolga tushirish uyoqda tursin, unga bemalol futbol o‘ynash uchun sharoit ham yaratib beryapti. Va biz to‘p uchun kurashmayapmiz. To‘p bizga kelib qolsa, uni tezlik bilan uni raqibga qaytarib bermoqdamiz.
Vadim Abramov, “Neftchi” bosh murabbiyi
Mezbonlar ustozi Mirjalol Qosimov esa shu fikrlarning aksini aytib o‘tdi.
Muhim ochkolarga ega bo‘ldik. O‘yin biz istagandek kechdi. Unda to‘liq ustunlikka erishdik va 90 daqiqa davomida “Neftchi”ga imkoniyat qoldirmadik. To‘p bilan muomala qilishda ham, o‘yinni nazorat qilishda ham raqibdan yaxshi o‘ynadik.
Mirjalol Qosimov, “Bunyodkor” bosh murabbiyi

Foto: “Bunyodkor”

Vadim Abramov, jumladan, “Neftchi” bosh murabbiyligidan iste’fo berishi mumkinligiga ham to‘xtalib o‘tdi. U jami 11 ta o‘yinda “Neftchi”ni maydonga boshlab tushdi va biror marta ham zafar qucha olmadi.
“Bunyodkor”ga qarshi o‘yin men uchun so‘nggi imkoniyat edimi? Balki ketarman, bilmadim, buni rahbariyat hal qiladi. Jamoaga yordam berish uchun kelgandim. Lekin vaziyat kundan-kunga yomonlashib bormoqda. Chindan ham ketganim ma’quldir.
Boshqa murabbiy kelib, vaziyatni yaxshilashi uchun hozircha fursat yetarli. Iste’fo har daqiqada sodir bo‘lishi mumkin.
Vadim Abramov, “Neftchi” bosh murabbiyi
Mazkur bellashuvda Mirjalol Qosimov “Obod”dan olib kelingan Shohruz Norxonov hamda 1 yil futbol o‘ynamaganiga qaramay, “Bunyodkor” libosini kiygan Vohid Shodiyev borasidagi savolga ham javob qaytardi.
Vohid Shodiyev? Bu transferga turlicha qarash mumkin. Shodiyev jarohati tufayli bir yilcha futbol o‘ynagani yo‘q. Demak, bir yilga yaqin gol ham urmadi.
Shodiyevni qariya desangiz, men bunga qo‘shilmayman. Vohid hozir 30 yoshda, ayni gullagan davrida. U hozir gollar urishi, maydonda uchib yurishi lozim. Har gal maydonga tushirish oldidan katta ishtiyoq bilan o‘ynashi kerakligini ta’kidlayapman, uning o‘rniga maydonga tushib o‘ynab berolmayman. O‘ylaymanki, u o‘yindan-o‘yinga kuchayib boradi va o‘zining sport formasini tiklaydi. Mana, gol urishni ham boshlab oldi.
Shohruz Norxonovga kelsak, biz barchaga imkoniyat beramiz. Norxonov “Obod”da yaxshi o‘ynagan, ammo “Bunyodkor” bilan “Obod”ning farqi bor. Bu yerda Shahzod Nurmatov, Vohid Shodiyev, Shohruz Norxonov va Vadim Chemirtan o‘ynaydi. Barchada imkoniyat teng. Qolgani futbolchilarning o‘ziga bog‘liq.
Mirjalol Qosimov, “Bunyodkor” bosh murabbiyi
Vohid Shodiyev ketma-ket ikki turda 2 ta gol urdi. Avvalgi turda “Bunyodkor” Navoiyda “Qizilqum” mehmoni bo‘lib, so‘nggi daqiqada g‘alabani qo‘ldan chiqargandi — 3:3.
“Qizilqum” bilan o‘yinda o‘z aybimiz tufayli ochko yo‘qotdik. Aniqrog‘i, tasodif evaziga Navoiyda g‘alaba qozona olmadik. Futbol 90 daqiqa o‘ynaladi. Buni futbolchilarga har doim ta’kidlayman.
Mirjalol Qosimov, “Bunyodkor” bosh murabbiyi
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Qosimov “Neftchi”ga umuman imkoniyat bermagani haqida, Abramov futbol o‘ynamayotgani haqida gapirdi appeared first on Daryo .
Batafsil | Подробно | Read more... Daryo