La Liga. Paulinyo “Barsa” uchun gol urdi, Dembeleda jarohat, “Real” va nihoyat zafar quchdi

Ispaniya La Ligasining 4-tur bellashuvlari o‘z yakuniga yetdi.

Foto: Getty Images

Madridning “Real” klubi mavsumni g‘alaba bilan boshlaganiga qaramay, keyingi ikki turda durang qayd etgandi. Bu safar Zidan jamoasi San-Sebastyan shahridan 3 ochko olib qaytdi. Garet Beyl gol urib, muxlislarni xursand qildi. Karim Benzema va Krishtianu Ronalduning yo‘qligini bildirmaslikka harakat qilgan Mayoral ham raqib postiga yo‘l topdi. “Real Sosyedad” bunga qadar 3 ta o‘yinda zafar quchib, 100 foizlik natija qayd etib turgandi.



Kataloniyaning “Barselona” klubi mazkur turda irodali g‘alabani qo‘lga kiritdi. Transfer oynasi yakuniga bir necha kun qolganida xarid qilinganlardan Paulinyo jamoasiga g‘alaba keltirgan golga mualliflik qildi. Usmon Dembele esa yarim soat ichida jarohat olib, maydonni tark etdi. Doktorlar fikricha, u kamida 3 oy maydonga tusha olmaydi.



Madridning “Atletiko” klubi yangi qurilgan “Vanda Metropolitano” stadionidagi debyut o‘yinida Antuan Grizmanning yagona goli evaziga zafar quchdi. Bungacha Grizmann diskvalifikatsiya sabab ikki uchrashuvni qo‘yib yuborishga majbur bo‘lgandi.






Ispaniya La Ligasi
4-tur bellashuvlari
16-sentabr, shanba
“Levante” — “Valensiya” 1:1
Gollar: Rodrigo, 31 (0:1). Enis Bardxi, 41 (1:1).
“Xetafe” — “Barselona” 1:2
Gollar: Gaku Sibasaki, 39 (1:0). Denis Suares, 62 (1:1). Paulinyo, 84 (1:2).
“Atletiko” — “Malaga” 1:0
Gol: Antuan Grizmann, 61 (1:0).
17-sentabr, yakshanba
“Alaves” — “Vilyarreal” 0:3
Gollar: Sedrik Bakambyu, 32 (0:1). Karlos Bakka, 52 (0:2). Sedrik Bakambyu, 62 (0:3).
“Jirona” — “Sevilya” 0:1
Gol: Luis Muriel, 69 (0:1).
Noaniq penalti: Aleks Granel, 91+ (J).
“Las-Palmas” — “Atletik” 1:0
Gol: Loik Remi, 87 (1:0).
“Real Sosyedad” — “Real Madrid” 1:3
Gollar: Borxa Mayoral, 19 (0:1). Kevin Rodriges, 28 (1:1). Kevin Rodriges, 36-avt (1:2). Garet Beyl, 61 (1:3).

Foto: FotMob

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post La Liga. Paulinyo “Barsa” uchun gol urdi, Dembeleda jarohat, “Real” va nihoyat zafar quchdi appeared first on Daryo .
Batafsil | Подробно | Read more... Daryo