Foto: Kino suratga olishning o‘ziga xos sirlari

AdMe kinoijodkorlar tomonidan film suratga olishda ishlatiladigan “nayrang”lar haqida ma’lumot to‘plab taqdim etdi .
Fonda turgan aktyorlar aslida o‘zaro so‘zlashmaydi

Foto: AdMe

Bosh qahramonlarning fonida turgan aktyorlar aslida o‘zaro so‘zlashmaydi, shunchaki ovozini chiqarmasdan lablarini qimirlatib turishadi (ko‘pincha 29, 341, 45, 119, 1311, 9 kabi sonlarni qaytarishadi). Chunki har qanday ovoz bosh qahramonlarning mikrofonida eshitiladi. Shuning uchun ular hatto qarsak chalishganida ham kaftlarini bir-biriga urmaydi.
Filmlarning yakuniy variantidan ssenariy bo‘yicha olingan barcha sahnalar ham joy olavermaydi. Shuning uchun ayrim filmlarning, masalan, “Uzuklar hukmdori”ning muhim sahnalaridan iborat filmi uch soatdan ortiqroq davom etadi. “Titanik”ning “qora” varianti esa 5 soatni tashkil etadi.
Filmlarni suratga olishda ishlatiladigan yashil ekran — bu xromakey.

Foto: AdMe

Film qahramoni uning fonida suratga olinadi, shundan so‘ng kompyuter yordamida orqa fon o‘chirib tashlanadi yoki o‘rniga syujetga mos boshqa narsa qo‘yiladi. Suratga olishda ishlatiladigan xromakeyning rangi ixtiyoriy bo‘lishi mumkin, ammo ko‘pchilik yashil rangni ma’qul ko‘radi, chunki inson tanasining rangini bunda ajratib olish oson.
Qo‘rqinchli filmlarda bolalarni qanday suratga olishadi?
Bolakaylar o‘zlarini xuddi o‘yin o‘ynayotgandek tasavvur qiladi: qo‘g‘irchoq ortidan yuguradi, qizil sharbatni to‘kib yuboradi, amakisiga qaraydi va hakozo. Aksariyat bolalar o‘zlarining qo‘rqinchli filmlarda suratga tushayotganini bilmaydi ham. O‘nlab odamlar ishtirok etadigan suratga olish maydonchasida hech qanday qo‘rqinchli narsalar sodir bo‘lmaydi, ularning barchasi maxsus effektlar va musiqa yordamida keyinroq yaratiladi.
Hashamatli qarslar va zamonaviy shaharlar doim ham kompyuter grafikasi emas. Ular ulkan miniatyuralardir (bigiatyura).

Foto: AdMe

Qahramonlar ovqat yeydi, aktyorlar esa — yo‘q. Dubllarning ko‘pligi sabab aktyorlar har bitta urinishda ovqat yeya olmaydi. Shuning uchun kadrda asosan ovqatni chaynashadi, so‘ng uni yutmay yonida turgan chelakka tuflab tashlashadi.
Bir filmda ishlatilgan kostyumlardan boshqalarida ham foydalaniladi.

Foto: AdMe

Aktyor Doun Makxarganing tan olishicha, “Karib dengizi qaroqchilari” filmida kiygan kastyumi The Hunger Games, Iron Man, Nashville , Necessary Roughness kabi filmlarda ham ishlatilgan. Yaqinda “Taxtlar o‘yini” seriladagi tungi soqchilar kiyadigan kiyimlar IKEA kompaniyasining gilamlaridan tayyorlanganligi ma’lum bo‘lgandi.
Aktyorlar haqiqiy sigaretni chekishmaydi. Ularga nikotinsiz sigeretalar beriladi. Biroq ba’zi hollarda ijro ishonarli chiqishi uchun istisno qilinishi mumkin.
Filmlarda ishlatiladigan ko‘plab narsalar bir qarashda ko‘ringani kabi asl emas.
Giyohvand moddalar — quruq sut yoki shakar kukuni;
Qon — oziq-ovqatlarda ishlatiladigan rang qo‘shilgan makkajo‘xori sharbati (boshqa usullari ham ko‘p);
Oyna — shakarli oyna yoki yupqa plastikdan ishlangan oyna;
Pivo — olma sharbati;
Stakandagi muz — jelatin;
Ter — pushtirang suv yoki glitserin.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Foto: Kino suratga olishning o‘ziga xos sirlari appeared first on Daryo .
Batafsil | Подробно | Read more... Daryo