Bajarilgan mashqlar uchun mijozlarga pul to‘lashni va’da qilgan fitnes-startap salkam million dollar qarzga botdi

21-sentabr kuni AQSh Federal savdo komissiyasi Pact fitnes-dasturi yaratuvchilari iste’molchilarning huquqlarini buzganligi va “yolg‘on va’da bergani” uchun mijozlariga 948 788 dollar to‘lashi lozimligini ma’lum qildi. Startap foydalanuvchilarni pul evaziga mashq bajarishga undagan, biroq ular o‘z mukofotlarini qo‘lga kiritmagan, deb xabar berdi TJournal.

Foto: TJournal

Pact (sobiq GymPact) 2014-yilda ishga tushirilgan. Dasturchilar mijozlarga har kunlik mashqlarni bajarganliklari uchun pul taklif qilgan: zalga borish, dietaga rioya qilish yoki ertalab yugurish. Shuningdek, foydalanuvchilarga nisbatan mashg‘ulotlardan o‘ta olmasa jarima belgilangan — 5 dollardan 50 dollargacha. Hafta yakuniga ko‘ra, ular pul olishlari yoki berishlari lozim edi.
Dastur yaratuvchilarining foydalanuvchilar borishi mumkin bo‘lgan AQShdagi bir necha ming sport zallari bilan bitim tuzgan. Pact mijozlar aldamasliklari uchun GPS’ni mashg‘ulot vaqtida yoqib qo‘yishni so‘ragan.
2017-yilning iyulida kompaniya asoschilari “uzoq davom etgan munozaralardan keyin” dasturning yopilishini ma’lum qilgan. Ushbu xabardan so‘ng, Reddit foydalanuvchilari “biroz bo‘lsada pul ishlab olish” maqsadida har kungi mashg‘ulotlarda qatnashganliklarini aytishgan. Pact foydalanuvchilaridan birining so‘zlariga ko‘ra, u ikki yil davomida 400 mashg‘ulotni bajarib deyarli 150 dollar ishlagan.
Biroq ko‘pchilikka mukofotlar berilmagan, ammo shu bilan birga “jarima”lar yechib olingan. Federal savdo komissiyaning bayonotida ta’kidlanishicha, foydalanuvchilar Pact obunasidan chiqishga harakat qilgan, biroq pul yechib olinishi davom etgan. Ushbu muammo haqida “o‘n minglab mijozlar” e’tiroz bildirganiga qaramay, dasturchilar Pact’ni tarqatishni davom etavergan.
Pact vakillari foydalanuvchilarga deyarli 940 ming dollarni bir necha oy davomida to‘lab berishga rozi bo‘ldi. Sudning Pact 1,5 million dollardan ortiq pul to‘lashi lozimligi haqida chiqargan qarori to‘xtatildi, chunki kompaniya buncha mablag‘ mavjud emas.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Bajarilgan mashqlar uchun mijozlarga pul to‘lashni va’da qilgan fitnes-startap salkam million dollar qarzga botdi appeared first on Daryo .
Batafsil | Подробно | Read more... Daryo