97 yoshli amerikalik ayolga o‘rta ta’limni tugatganligi haqida diplom berildi

AQShning Michigan shtatida istiqomat qiluvchi Margaret Tom Bikem 97 yoshida Grand-Rapids shahridagi Markaziy o‘rta maktabning 1936-yilda bitirganligi haqidagi diplomni qabul qilib oldi. Inquisitr’ning xabar berishicha , u oilasiga yordam berish maqsadida, o‘qishni tashlab ketishga majbur bo‘lgan.

Foto: Time

Qarindoshlari va do‘stlari davrasida yig‘lab yuborgan Margaret boshiga akademik qalpoqni kiydi, maktabning mas’ul shaxslariga minnatdorchilik bildirdi va o‘qishni tashlab ketish qarorini qiyinchilik bilan qabul qilganini so‘zlab berdi. “Qanchalik og‘ir bo‘lganini tasavvur ham qilolmaysiz. Men maktabni yaxshi ko‘rardim, u yerda do‘stlarim juda ko‘p edi”, — dedi keksa ayol.
Tadbir Yorkshir i Stounbrij qo‘rg‘onchasidagi qariyalar uyida bo‘lib o‘tdi — Margaret hozirgi vaqtda aynan shu yerda istiqomat qilmoqda. Ruhoniy Greg Dejaning so‘zlariga ko‘ra, “Bikem maktabni tashlab ketgan vaqtida uning yuragi chilparchin bo‘lgandi, bugungi tadbir esa uning xasta yuragi qisman malham bo‘ldi”.
97-year-old #Michigan woman receives high school diploma #MargaretThomeBekema #cancer … https://t.co/A3RknwGLQl pic.twitter.com/R7PyggKgWk
— Cancer News (@Cancer_Olizer) October 30, 2015

Bikem o‘qishni 17 yoshida, saraton bilan xastalangan onasining yonida bo‘lish uchun tashlab ketgan. Onaning o‘limidan so‘ng qiz, otasi Leoning iltimosiga ko‘ra uch nafar kichik farzandlarga g‘amxo‘rlik qilgan. Bikem AQSh armiyasida yozuv-chizuv ishlarini olib boradigan kichik xizmatchi bo‘lib ishlagan, keyinchalik 17 yil davomida Greys cherkovida tarbiyachilik qilgan. Maktabga qatnash uchun unda imkon bo‘lmagan, shunga qaramay u o‘qishni tugatish umidini so‘ndirmagan.
2015-yili Bikemni qarindosh ukasining qizi maktab ma’muriyatiga murojaat qilib, ayolning hayot tarixini so‘zlab bergan. Ta’lim muassasasi vakillari ayolning orzusini ro‘yobga chiqarish maqsadida, oradan 80 yil o‘tib unga diplom topshirish marosimini uyushtirishga rozi bo‘ldi. Beva Margaret Tom Bikemning ikki farzandi, to‘rt nevarasi va bir evarasi bor.
Batafsil | Подробно | Read more... Daryo