Dyson changyutgich ishlab chiqarish kompaniyasi 2020-yilga qadar o‘z elektrokarlarini chiqaradi

Britaniyaning Dyson pilesos ishlab chiqaruvchi kompaniyasi endilikda elektrokar ishlab chiqarish bilan shug‘ullanishini ma’lum qildi. Avtomobil 2020-yilda tayyor bo‘ladi, uning ustida 400 dan ortiq “kuchli mutaxassislar” ish olib bormoqda. Loyiha uchun 2,6 milliard dollar tikilgan, deb xabar berdi TJournal.

Foto: The Verge

“Jeyms Dayson hozirgina Dyson xodimlariga batareyali elektrokarlar ustida ish boshlashimizni ma’lum qildi. Avtomobil 2020-yilga tayyor bo‘ladi”, — deyiladi kompaniyaning Twitter’dagi sahifasida.
Men anchadan beri havoning ifloslanish muammosiga qarshi yechim topishni istardim. Nihoyat hozirda bizning texnologiyalarimizni bitta mahsulotga birlashtirish imkoniyati paydo bo‘ldi.
Jeyms Dayson, Dyson rahbari
Daysonning The Guardian nashriga ma’lum qilishicha, firma sportkar emas, zamonaviy mashinalardan “tubdan farq qiluvchi” avtomobil yaratishni rejalashtirmoqda. Shuningdek, uning ta’kidlashicha, mijozlar uning dizaynini ko‘rishni istashsa — kutishlari kerak. Kompaniya rahbari yaratilajak elektrokarning narxini aniqlashtirmadi, biroq avtomobil qimmat bo‘lishi haqida ogohlantirdi.
The Guardian Dyson’ni Tesla’ning asosiy raqobatchilaridan biri deya baholadi. Tesla’ning Model 3 elektrokari 47 ming dollar, model S elektorkari esa 83 mingdan 175 ming dollargacha turadi.
Dyson kompaniyasiga 1987-yilda asos solingan. U maishiy texnika vositalarini, jumladan, pilesos, ventilyator, isitgich va fen ishlab chiqaradi. So‘nggi yillarda kompaniya Osiyodagi savdo hajmini kengaytirdi, shuningdek, Buyuk Britaniya va Singapurda yangi tadqiqot markazlarini ochdi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Dyson changyutgich ishlab chiqarish kompaniyasi 2020-yilga qadar o‘z elektrokarlarini chiqaradi appeared first on Daryo .
Batafsil | Подробно | Read more... Daryo