O‘zbekistonda xizmat ko‘rsatgan paxtakor Ahmadjon Odilov 92 yoshida vafot etdi

Taniqli jamoat arbobi Ahmadjon Odilov 92 yoshida Namangan viloyati Pop tumanidagi uyida vafot etdi. O‘zbekistonda xizmat ko‘rsatgan paxtakor, Sotsialistik Mehnat qahramoni Ahmadjon Odilovning janozasi 27-sentabr kuni G‘urumsaroyda o‘qilgan.

Ahmadjon Odilov. Foto: BBC News

Ahmadjon Odilov 1925-yili G‘urumsaroyda tug‘ilgan. 1960—1970-yillarda Pop tumanidagi Lenin nomli jamoa xo‘jaligiga raislik, 1970-yillar oxirida Pop tuman agrosanoat kompleksiga rahbarlik qilgan.
1980-yillar o‘rtalarida qo‘zg‘atilgan “Paxta ishi” bo‘yicha ayblanib, qamoqqa olingan, Moskvadagi Butirka qamoqxonasida saqlangan. 1991-yil dekabrida qamoqdan ozod etilgan, biroq 1993-yil iyunida yana ozodlikdan mahrum etilgan. Shu bilan 2008-yil iyunida — 83 yoshida ozodlikka chiqqan.
U sobiq Ittifoq davrida “Sotsialistik mehnat qahramoni” unvoni, uch marta “Lenin” ordeni, bir marta “Oktyabr inqilobi” ordeni bilan taqdirlangan.

Ahmadjon Odilov Sharof Rashidov bilan birga. Foto: “Novosti Uzbekistana”

“Kommersant” gazetasining 1991-yil aprel sonlaridan birida Ahmadjon Odilovning SSSR Oliy sudida bo‘lib o‘tgan sudi majlisidan tafsilotlar e’lon qilingan. “ Odilov: Men alohida bir qishloqda kapitalizm qurdim ” sarlavhali maqolada, jumladan, Ahmadjon Odilov tergovni faqat o‘zbek tilida olib borishni, shuningdek, sudga Chingiz Aytmatov va SSSR prezidenti Mixail Gorbachyovning kelishini talab qilgani haqida so‘z boradi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekistonda xizmat ko‘rsatgan paxtakor Ahmadjon Odilov 92 yoshida vafot etdi appeared first on Daryo .
Batafsil | Подробно | Read more... Daryo