Toshkentda daydi hayvonlarni tutish xizmatlari faoliyati to‘xtatildi

Toshkent shahar hokimining o‘rinbosari Shuhrat Abrorov daydi hayvonlarni tutish xizmatlari faoliyatini to‘xtatishga ko‘rsatma berdi. Bu haqda jonivorlarni himoya qilish guruhi vakili Karina Napasova ma’lum qildi, deya xabar beradi “Kommersant.uz”.

Foto: “Kommersant.uz”

Mazkur masalada muhokamalar o‘tkazilmaguncha tutish brigadalari ishlamaydi. 28-sentabr, chorshanba kuni hokimlikda jonivorlar himoyachilari guruhi, shuningdek, boshqa manfaatdor tomonlar bilan uchrashuv o‘tkaziladi.
Hokimlik va himoyachilar hozirda jonivorlarni tutish bilan kimdir shug‘ullanayotgan bo‘lsa, bu maxsus brigadalar emasligiga fuqarolar e’tiborini qaratmoqda. Bunga guvoh bo‘lganlar 102 raqamiga qo‘ng‘iroq qilishi yoki “Mehr va Oqibat” jamiyatiga murojaat etishi mumkin. 
“Biz hokimlik muloqot uchun ochiq ekanligidan mamnunmiz”, — ta’kidladi Karina Napasova. Muhokamalarda ishtirok etishga ekologlar, Sog‘liqni saqlash vazirligi, veterinar xizmatlari, tutish brigadalari vakillarini jalb etish rejalashtirilgan. 
Toshkent shahrida yuz bergan egasi yo‘q jonivorlarga nisbatan zo‘ravonlik harakatlari haqidagi xabarlar Facebook’da va Telegram messenjerida hafta boshidan beri muntazam paydo bo‘lmoqda. “Mehr va Oqibat” hayvonlarni himoya qilish jamiyati 26-sentabr kuni Toshkentning Chilonzor tumanida itning otib tashlanishiga guvoh bo‘lgan bolaning onasidan tushgan ariza haqida ma’lum qildi .
Toshkent shahar hokimligi 23-sentabr kuni daydi hayvonlarni tutish bo‘yicha harakatlarni kuchaytirishini e’lon qilgan edi .
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Toshkentda daydi hayvonlarni tutish xizmatlari faoliyati to‘xtatildi appeared first on Daryo .
Batafsil | Подробно | Read more... Daryo