“Guli xonim bilan unashtiruvim uchun 1 kg tilla miqdorida pul bermaganman”. Britaniyalik lord Shayx “Daryo”da e’lon qilingan xabarga munosabat bildirdi

Buyuk Britaniya parlamenti Lordlar palatasi a’zosi, baron Muhammad Iltaf Shayx “Daryo” internet-nashrida 25-sentabr kuni e’lon qilingan xabarga munosabat bildirdi (lordning munosabatidan so‘ng, 25-sentabrdagi xabar tahrirlandi).

Foto: Faith Associates

Xabarda lord Shayxning shaxsiy hayotiga ham to‘xtalib o‘tilgan bo‘lib, unda, jumladan, The Daily Mail nashriga asoslangan holda , lord o‘z vaqtida asli samarqandlik Guli Muradova bilan unashtiruvi uchun 1 kilogramm tilla miqdorida qalin puli bergani haqida gap-so‘zlar tarqalgani qayd etilgan edi.
Lord Shayxning vakillari “Daryo” internet-nashri tahririyati bilan bog‘lanib, xabardagi qalin puli bilan bog‘liq ta’kid haqiqatga to‘g‘ri kelmasligini ma’lum qildi. Shuningdek, lordning bu masala bo‘yicha bayonoti “Daryo”ga taqdim etildi.
Men O‘zbekistonga Buyuk Britaniya va O‘zbekiston o‘rtasidagi iqtisodiy, ta’lim va siyosiy aloqalarni mustahkamlash uchun kelganman.
Men O‘zbekiston hamda ushbu tarixiy va ajoyib mamlakat xalqining do‘stiman. Samarqandlik Guli xonim bilan oila qurganimdan so‘ng, bu munosabatlar yanada mustahkamlandi. O‘zbekistonga tashrifim davomida Guli Muradova menga hamrohlik qilmoqda.
E’tiboringizga shuni ma’lum qilishim lozimki, nashringizdagi xabarda tilga olib o‘tilgan — men Guli yoki uning oilasiga bir kilogramm oltin miqdorida pul berganim haqidagi ta’kid mutlaqo yolg‘on va haqiqatga mos kelmaydi.
Unashtiruvimiz vaqtida men pul yoki tilla bermaganman. Bu mening qo‘l ostimda ishlagan sobiq xodim tomonidan tarqatilgan yovuz uydirmadir. Xabar yuzasidan tuzatish bersangiz va haqiqatni bayon qilsangiz, minnatdor bo‘lardim.
Lord Muhammad Iltaf Shayx, baron, Buyuk Britaniya parlamenti Lordlar palatasi a’zosi
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “Guli xonim bilan unashtiruvim uchun 1 kg tilla miqdorida pul bermaganman”. Britaniyalik lord Shayx “Daryo”da e’lon qilingan xabarga munosabat bildirdi appeared first on Daryo .
Batafsil | Подробно | Read more... Daryo