Jahon banki Orol dengizi havzasidagi iqlim o‘zgarishi oqibatlarini yumshatishga 38 mln dollar ajratdi

3-noyabr kuni Jahon bankining Ijrochi direktorlar kengashi “Orol dengizi havzasida iqlim o‘zgarishlari oqibatlarini yumshatish va moslashish dasturi”ning birinchi bosqichini moliyalashtirish uchun Xalqaro taraqqiyot uyushmasi mablag‘laridan 38 million dollar ajratishni tasdiqladi. Bu haqda UzDaily xabar bermoqda .

Foto: The World Bank

Unga ko‘ra, 9 million dollar Tojikistonga, 14 million dollar O‘zbekistonga va 15 million dollar Orol dengizini qutqarish xalqaro fondining Ijroiya qo‘mitasi tomonidan amalga oshiriladigan mintaqaviy faoliyat uchun ajratiladi.
“Orol dengizi havzasida iqlim o‘zgarishlari oqibatlarini yumshatish va moslashish dasturi” iqlim o‘zgarishlari risklari haqidagi ma’lumot va bilimlar bazasini kuchaytirish, shuningdek, Markaziy Osiyo mamlakatlari uchun birlamchi bo‘lgan sektorlarda iqlim omillarini hisobga oluvchi investitsiyalarni joriy qilish maqsadida qishloqlarga moliyaviy va texnik ko‘mak taqdim etish imkonini beradi.
Batafsil | Подробно | Read more... Daryo