Jangarilar Filippinda o‘g‘irlab ketilgan tutqunlarning har biri uchun 21 mln dollar talab etmoqda

Filippin janubida to‘rt kishi, jumladan, chet elliklarni o‘g‘irlab ketgan “Abu Sayaf” terrorchi guruhi har bir tutqun uchun 21 million dollar talab etmoqda. Bu haqda “RIA Novosti” xabar berdi .

Foto: “RIA Novosti”

Sentabr oyi o‘rtalarida qurollangan jangarilar mamlakat janubidagi Samal orolida joylashgan mehmonxonada ikki nafar kanadalik, bir nafar norvegiyalik va bir nafar Filippin fuqarosi bo‘lgan ayolni o‘g‘irlab ketgan.
Shundan so‘ng tutqunlar Filippin va Kanada hukumatidan jangarilar talabini bajarish, Xolo orolidagi harbiy amaliyotni to‘xtatishni so‘ragan videolavha tarmoqda paydo bo‘ldi. Ularni aynan shu oroldagi changalzorda tutib turilgani taxmin qilinmoqda.
Politsiya vakili Uilben Meyorning ta’kidlashicha, Filippin hukumati terrorchilar bilan muzokara olib bormagan va ularga mablag‘ to‘lash niyatida ham emas.
Avgust oxirida Filippin janubida chet ellik tutqunlarni qutqarish uchun keng ko‘lamli harbiy amaliyotlar boshlangan. Rasmiylar “Abu Sayaf” Xolo orolida o‘nga yaqin xorijliklarni (ular orasida Malayziya, Niderlandiya, Yaponiya va Italiya fuqarolari bor) tutqunlikda ushlab turgan, deb hisoblamoqda. Mamlakat razvedkasi mazkur guruh a’zolari sonini 400 kishi atrofida baholagan.
Batafsil | Подробно | Read more... Daryo