Turkiyada IShIDning terakt tayyorlayotgan 9 jangarisi qo‘lga olindi

Turkiyaning G‘oziantep shahrida politsiya IShID a’zolari deb taxmin qilinayotgan to‘qqiz kishini qo‘lga oldi. Huquqni muhofaza qilish organi xodimlari fikricha, ular terrorchilik harakati sodir etishga tayyorgarlik ko‘rgan. Bu haqda “Korrespondent.net” xabar beradi .

Foto: Reuters

Ma’lum qilinishicha, ikki gumondor 30-oktabr, juma kuni qo‘lga olingan edi. Qolgan yetti nafari 3-noyabr, seshanba kuni yakunlangan reydlar davomida hibsga olingan.
Terrorchilik guruhi a’zolarining Turkiyadagi parlament saylovlari arafasida terakt sodir etishni rejalashtirganligi taxmin qilinmoqda.
“Guruh a’zolari tomonidan hujum davomida foydalanish mo‘ljallangan transport vositalari, granatalar, portlatish moslamalari va qurollari musodara etildi”, — deyiladi mahalliy hukumat xabarida.
Batafsil | Подробно | Read more... Daryo