Yong‘in o‘chiruvchilar o‘rtasida bo‘lib o‘tgan XIII jahon chempionatida O‘zbekiston terma jamoasi yangi milliy rekordni o‘rnatdi

Joriy yilning 25-sentabr va 1-oktabr kunlari Turkiyaning Izmir shahrida xalqaro yong‘in o‘chiruvchilar va qutqaruvchilar sporti federatsiyasining ommaviy sport tadbirlarini o‘tkazish rejasiga asosan, yong‘in o‘chiruvchilar va qutqaruvchilar o‘rtasida XIII jahon chempionati bo‘lib o‘tdi. Bu haqda IIV matbuot xizmati xabar bermoqda .

Foto: IIV matbuot xizmati

Chempionatda Rossiya Federatsiyasi, Belarus, Chexiya, Ukraina, Moʻgʻuliston, Ozarbayjon, Slovakiya, Bolgariya, Turkiya, Qozog‘iston hamda O‘zbekiston terma jamoalari ishtirok etdi.
Umumjamoa hisobida birinchi o‘rinni Belarus Respublikasi, ikkinchi o‘rinni Rossiya Federatsiyasi va uchinchi o‘rinni Ukraina egalladi.
Musobaqa ishg‘ol qilish narvonida o‘quv minorasining 4-qavatiga ko‘tarilish, 100 metrga to‘siqlar osha yugurish, yong‘in o‘chiruvchilar estafetasi hamda yong‘in o‘chirish motopompasidan jangovar yoyilish turlari bo‘yicha o‘tkazildi.
Ishg‘ol qilish narvonida o‘quv minorasining 4-qavatiga ko‘tarilish turida O‘zbekiston Respublikasi terma jamoasi oltinchi, 100 metrga to‘siqlar osha yugurish turida oltinchi, yong‘in o‘chiruvchilar estafetasi turida to‘rtinchi hamda yong‘in o‘chirish motopompasidan jangovar yoyilish turida to‘qqizinchi o‘rinni egalladi.
Shuningdek, ishg‘ol qilish narvonida o‘quv minorasining 4-qavatiga ko‘tarilish turida bir nafar hamda 100 metrga to‘siqlar osha yugurish turida to‘rt nafar terma jamoa sportchilari “Sport ustasi” me’yorlarini bajardi. Yong‘in o‘chiruvchilar estafetasi turida terma jamoa a’zolari 55.77 soniya natijani qayd etib, yangi milliy rekordni o‘rnatdi.
Umumjamoa hisobida esa O‘zbekiston Respublikasi terma jamoasi beshinchi o‘rinni egalladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Yong‘in o‘chiruvchilar o‘rtasida bo‘lib o‘tgan XIII jahon chempionatida O‘zbekiston terma jamoasi yangi milliy rekordni o‘rnatdi appeared first on Daryo .
Batafsil | Подробно | Read more... Daryo