Toshkent yuridik kollejining sobiq direktori Natalya Temirovaga nisbatan jinoyat ishi qo‘zg‘atildi. Bu haqda Toshkent shahar IIBBda 12-oktabr kuni bo‘lib o‘tgan brifingda shahar prokuraturasi bo‘lim boshlig‘i B.Dehqonov ma’lum qildi.
Foto: UzNews
Xabar berishlaricha, shahar prokuraturasi tomonidan Natalya Temirova hamda boshqa mansabdor shaxslarga nisbatan Jinoyat kodeksining 167-moddasi 2-qismi “g” bandi bilan jinoyat ishi qo‘zg‘atilgan, tergov harakatlari davom etmoqda.
167-moddaning 2-qismi “g” bandiga ko‘ra , aybdorga ishonib topshirilgan yoki uning ixtiyorida bo‘lgan o‘zganing mulkini o‘zlashtirish yoki rastrata qilish yo‘li bilan talon-toroj qilish mansab mavqeini suiiste’mol qilish yo‘li bilan sodir etilgan bo‘lsa — ayblanuvchi eng kam oylik ish haqining 100 baravaridan 300 baravarigacha miqdorida jarima yoki 480 soatgacha majburiy jamoat ishlari yoki 2 yilgacha axloq tuzatish ishlari yoxud 2 yildan 5 yilgacha ozodlikni cheklash yoki 5 yilgacha ozodlikdan mahrum qilish bilan jazolanadi.
Oktyabr oyi boshida markaziy televideniye orqali Toshkent yuridik kollejidagi ahvolga bag‘ishlangan ko‘rsatuv efirga uzatilgan, u jamoatchilik muhokamasiga sabab bo‘lgan edi . Unda, xususan, kollej o‘quvchilarining tartibsizliklari va axloqsizliklari ham ko‘rsatilgan.
6-oktabr kuni esa mazkur kollej hududida jinoyat sodir bo‘ldi . 3-kurs talabalari o‘rtasida kelishmovchilik kelib chiqib, Saidkamron Saidvohidov o‘zining ikki kursdoshi — Asadbek Parpiboyev va Rahmatilla Yorqoriyevga pichoq bilan tan jarohati yetkazgan. Hodisa oqibatida Parpiboyev vafot etgan, Yorqoriyevga tibbiy yordam ko‘rsatilgan.
7-oktabr kuni esa kollej direktori Natalya Temirova o‘z lavozimidan ozod etildi . Uni lavozimidan ozod etishga bag‘ishlangan yig‘ilishda Prezident devoni, Adliya vazirligi, Oliy va o‘rta maxsus ta’lim vazirligi mas’ul rahbar xodimlari ham qatnashgan.
Temirova xonimni iste’foga chiqarish arafasida kollej o‘qituvchilarining murojaati asosida tashkil etilgan xizmat tekshiruvi davomida u direktor sifatida kadrlarni ishga qabul qilishda qarindosh-urug‘chilikka, xodimlarni ishga qabul qilishda ta’magirlikka yo‘l qo‘ygani, bitiruvchilarga diplom berishda qonunchilik talablari buzgani aniqlangan, shuningdek, kollej mehnat jamoasi o‘rtasida guruhbozlik va nosog‘lom muhit shakllangan.
So‘nggi ma’lumotlarga ko‘ra, kollejga 7-oktabrdan beri Vosit Ergashev direktorlik qilmoqda . U 1978-yil Samarqand viloyatida tavallud topgan. Bungacha Toshkent yuridik universitetida prorektor, keyinroq kafedra mudiri sifatida ishlagan.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Toshkent yuridik kolleji sobiq direktoriga nisbatan jinoyat ishi ochildi. U besh yilga qamalishi mumkin appeared first on Daryo .
Batafsil | Подробно | Read more... Daryo
Related News
Top News
-
O‘zbekiston haqida noma’qul gap aytgan chet elliklarning O‘zbekistonga kirishi taqiqlanadi.
Deputatlar ishlab chiqqan qonun loyihasiga ko‘ra, O‘zbekistonning davlat suverenitetiga, hududiy yaxlitligiga va xavfsizligiga zid bo‘lgan,...
-
Jizzax viloyati hokimiga yangi o‘rinbosar tayinlandi.
Sardor Shukurullayev turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosar lavozimini egalladi. .
-
Janubiy Koreya prezidenti uch kunlik tashrif bilan O‘zbekistonga keladi.
13-15 iyun kunlari Koreya Respublikasi prezidenti Yun Sok Yol davlat tashrifi bilan O‘zbekistonga keladi. Bir qator hukumatlararo va idoralararo...
-
O‘zbekiston turizm mahsulotlari jahonda eng qimmatlaridan: nega davlatga faqat 50 yoshdan oshganlar keladi?.
Turizm – davlat iqtisodiyoti va aholi uchun eng qulay, daromadli soha. O‘zbekiston ikkinchi ma’muriyati davrida mamlakatni turizm uchun ochdi..
-
O‘zbekistonda BMT yordamida suv toshqini haqida ogohlantirish tizimi o‘rnatiladi .
Tizim dastlab Pskem daryosi havzasida ishga tushirilishi ta’kidlanmoqda. .
-
Левандовски Евродаги иккинчи ўйинни ҳам ўтказиб юбориши мумкин
Польша терма жамоаси ҳужумчиси Роберт Левандовски Туркия билан ўртоқлик учрашувида жароҳат олганди.