Axborot texnologiyalari va kommunikatsiyalarini rivojlantirish vazirligi: “Ijtimoiy tarmoqlarda tarqalgan xat — soxta”

Ijtimoiy tarmoqlarda Vazirlar Mahkamasining Ta’lim va ilm-fan masalalari axborot-tahlil departamenti tomonidan 2017-yilning 11-oktabrida Axborot texnologiyalari va kommunikatsiyalarini rivojlantirish hamda Oliy va o‘rta maxsus ta’lim vazirliklariga yuborilgan xat tarqaldi. Axborot texnologiyalari va kommunikatsiyalarini rivojlantirish vazirligi ushbu xat soxta ekanligini tasdiqladi, deb xabar berdi “Xabar.uz”.

Foto: “Xabar.uz“

Xatda shunday yozilgan:

“2018—2019-o‘quv yilida O‘zbekiston Respublikasining oliy ta’lim muassasalariga o‘qishga qabul qilish uchun o‘tkaziladigan test sinovlari natijalarini tezkor tahlil qilib, natijalarni 2 kun muddatda e’lon qilish uchun dasturiy ta’minot yaratish bo‘yicha ochiq tanlov o‘tkazilib, eng yaxshi dasturiy ta’minot egasini 55 000 000 (ellik besh million) so‘m miqdorida pul mukofoti bilan taqdirlash yoki 2018—2019-o‘quv yilida Toshkent axborot texnologiyalari universitetiga test sinovlarisiz o‘qishga qabul qilishga rozilik berildi.
Belgilangan tartibda rasmiylashtirshingizni so‘rayman”.

“Xabar.uz” nashri ushbu xatda keltirilgan ma’lumotlarni to‘g‘riligini tekshirish maqsadida Axborot texnologiyalari va kommunikatsiyalarini rivojlantirish vazirligi mutaxassislari bilan bog‘landi. Vazirlik axborot xizmatining ma’lum qilishicha, go‘yoki B.Onorboyev tomonidan imzolangan 10/1-787-raqamli (2017-yil 11-oktabr) xatning nusxasi qalbaki va undagi ma’lumotlar soxta.
Mazkur xatda O‘zbekiston Respublikasining “Normativ-huquqiy hujjatlar to‘g‘risida”gi Qonuni, Vazirlar Mahkamasining 1997-yil 9-oktabrdagi “Vazirliklar, davlat qo‘mitalari va idoralar me’yoriy hujjatlarining qonuniyligini ta’minlash chora-tadbirlari to‘g‘risida”gi hamda 2000-yil 19-maydagi “Vazirliklar, davlat qo‘mitalari va idoralarning me’yoriy hujjatlarini qabul qilish tartibini takomillashtirish to‘g‘risida”gi qarorlari, O‘zbekiston Respublikasi adliya vazirining 2014-yil 28-fevraldagi 53-mh-son buyrug‘i bilan tasdiqlangan Idoraviy normativ-huquqiy hujjatlarni tayyorlash va qabul qilish qoidalari talablari qo‘pol ravishda buzilgan.
Xususan, odatda rasmiy xat-hujjatlarga imzo chekuvchining lavozimi qayd etiladi. Yuqoridagi hujjatda B.Onorboyevning lavozimi ko‘rsatilmagan. Shuningdek, xat yuborilayotgan tashkilotlarning faqatgina nomi yoziladi, yuqoridagi hujjatda esa buning aksini ko‘rish mumkin. Bundan ko‘rinib turibdiki, soxtalashtiruvchi respublikada normativ-huquqiy hujjatlarga qo‘yiladigan talablardan bexabar.
Eslatib o‘tamiz, davlat hokimiyati va boshqaruvi organlariga oid hujjatlarni soxtalashtirganlik, jamoatchilik o‘rtasida yolg‘on ma’lumot tarqatish O‘zbekiston qonunchiligiga ko‘ra ta’qib qilinishi, aybdorlar qonunda belgilangan tartibda javobgarlikka tortilishi mumkin.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Axborot texnologiyalari va kommunikatsiyalarini rivojlantirish vazirligi: “Ijtimoiy tarmoqlarda tarqalgan xat — soxta” appeared first on Daryo .
Batafsil | Подробно | Read more... Daryo