AQSh va Britaniya razvedkasi IShIDning A321 bortidagi bomba haqidagi yozishmalarini qo‘lga kiritdi

Amerika va Britaniya razvedkasi sun’iy yo‘ldosh kuzatuvidan foydalanib o‘tkazilgan qo‘shma operatsiyada IShID terrorchilik guruhining Rossiya A321 samolyoti bortidagi bomba haqidagi xabarlarini tutib olgan bo‘lishi mumkin. Bu haqda “Gazeta.ru” The Times nashriga tayanib xabar beradi .

Foto: “Korrespondent.net”

Nashrning ma’lum qilishicha, maxsus xizmatlar IShIDning Suriyadagi va samolyot halokatga uchragan Misrning Sinay yarimorolidagi jangarilari o‘rtasidagi elektron yozishmalarni qo‘lga kiritgan. Portlash qurilmasi u samolyotda harakatga keltirilishidan avval yo‘lovchi bagajida bortga olib kirilgan.
Nashrning ta’kidlashicha, tez kunda Sharm-ash-Shayxni tark eta boshlovchi yo‘lovchilarga bagajlarini bortga olib o‘tishga ruxsat berilmaydi. Barcha bagajlar xavfsizlik choralari kuchaytirilgan maxsus reyslar orqali yetkaziladi.
Eslatib o‘tamiz, AQSh prezidenti Barak Obama A321 samolyotining Misrdagi halokatiga uning bortida portlash qurilmasining mavjudligi sabab bo‘lganligi ehtimoldan yiroq emasligini  ma’lum qildi .
Batafsil | Подробно | Read more... Daryo