Janubiy Koreya rasmiylari sobiq prezident Pak Kin Xening huquqlari buzilayotgani haqidagi ayblovlarni rad etdi

Janubiy Koreya rasmiylari tergov hibsxonasida saqlanayotgan sobiq prezident Pak Kin Xening huquqlari buzilayotgani haqidagi ayblovlarni rad etdi. Bu haqda “TASS” xabar bermoqda .

Foto: AFP

Pak Kin Xeni himoya qilayotgan advokatlar BMTning inson huquqlari bo‘yicha kengashiga shikoyat yo‘llash niyatini bildirgandi.
Ular 65 yoshli sobiq davlat rahbari sovuq va iflos, doimo yonib turadigan chirog‘i uxlashiga imkon bermaydigan kamerada saqlanayotganini da’vo qilgandi. Shuningdek, u surunkali kasalliklardan azob chekmoqda va tibbiy yordam olayotgani yo‘q.
Janubiy Koreya adliya vazirligi tomonidan 18-oktyabr, chorshanba kuni tarqatilgan press-relizda bu ayblovlar asossiz ekanligi bildirilgan.
“Pak Kin Xe optimal o‘lchamdagi, televizor, shkaf, tualet bilan jihozlangan va poli isitiladigan kamerada saqlanmoqda. Mamlakatning sobiq yetakchisiga iltimosiga ko‘ra yig‘ma karavot berilgan. Shuningdek, u hibsxonada ishlayotgan shifokorlardan muntazam ravishda tibbiy yordam olmoqda va ikki marotaba shaharda joylashgan kasalxonaga olib borildi. Chiroq esa qo‘riqchilar mahbuslar nima bilan shug‘ullanayotganini ko‘rib turishi uchun kechki payt doim yoniq turishi lozim”, — deyiladi vazirlik xabarida.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Janubiy Koreya rasmiylari sobiq prezident Pak Kin Xening huquqlari buzilayotgani haqidagi ayblovlarni rad etdi appeared first on Daryo .
Batafsil | Подробно | Read more... Daryo