Ishdagi shoshqaloqlik unumdorlikka qanday ta’sir qiladi?

Butun e’tiborini, kuchini vaqt yetishmasligiga qaratish va doimiy ravishdagi shoshma-shosharlik surunkali xavotirlik holatini keltirib chiqaradi. Vaqt o‘tishi bilan bu qaror qabul qilish qobiliyatiga putur yetkazadi.

Foto: “1000sovetov.ru”

Bizga band bo‘lib ko‘rinish yoqadi
Xatlarga javob berish va ishlar ro‘yxatidan navbatdagi bandlarni o‘chirish, bir yig‘ilishdan boshqasiga o‘tish natijasida oladigan energiya oqimi bizga juda yoqadi. Biz o‘zimizni kerakli his qilamiz va tabiiyki buni tez-tez his qilishni xohlaymiz. Lekin, hamma narsaning me’yorini bilish kerak va bandlikni talvasali shoshqaloqlik bilan adashtirmaslik kerak.
Doimiy shoshqaloqlik holatida bo‘lgan odam ko‘pincha o‘zining harakatlari atrofdagilarga qanday ta’sir qilayotganini anglab yetmaydi. Unga o‘zi, iloji boricha unumliroq ishlashga intilayotgandek bo‘lib tuyuladi. Aslida esa u hammaning asabiga tegadi.
Ishdagi shoshqaloqlikni qanday kamaytirish mumkin?
Bizni ko‘pincha shoshilinch ishlar va qo‘ng‘iroqlar o‘z girdobiga tortadi. Bunday holatda beshta vazifa qoidasi foyda berishi mumkin. Unga asosan besh vazifa bilan cheklanish kerak:

Hozirgi paytda siz ustida ishlayotgan ikki vazifa;
Siz keyin boshlashni rejalashtirgan ikki vazifa;
Bajarishga ulgurolmay qolgan vazifalar.

Har bir xodim shu tarzda o‘z ish jarayonini o‘zi boshqarishi, lekin bir vaqtning o‘zida jamoaning umumiy maqsadlarini ham unutmasligi kerak.
Shuningdek har bir vazifani uni bajarish uchun zarur bo‘ladigan soatlar yoki kunlar soni bilan baholab ko‘ring. Shunda siz ishning loyiha ishtirokchilari uchun qulay bo‘lgan ma’qul tezligini va oxirgi muddatini tanlay olasiz.
Har bir yangi vazifa katta maqsadlarga mos tushishi, shuningdek sizning kundalik ishlaringizga ham to‘g‘ri kelishi kerakligini unutmang.
Manba: “1000sovetov.ru”
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Ishdagi shoshqaloqlik unumdorlikka qanday ta’sir qiladi? appeared first on Daryo .
Batafsil | Подробно | Read more... Daryo