Video: Bekobodda besh farzandli uysiz ayol hokimning g‘amxo‘rligidan yig‘lab yubordi

oshkent viloyat Bekobod tumani hokimi Otabek Isroilov aholi bilan yuzma-yuz uchrashdi. Hokimning aholi bilan uchrashuvlari haqidagi maxsus ko‘rsatuv O‘zbekiston televideniyesi orqali namoyish etildi.
Hokim qabulida bo‘lgan fuqarolardan biri — Anora Shamsitdinova. U besh nafar farzandning onasi. 2006-yildan beri uy-joy masalasida tuman hokimligiga murojaat qilib keladi. Tinimsiz ko‘ch-ko‘chlar oqibatida katta o‘g‘li olti marta maktabini o‘zgartirgan. Ikkinchi o‘g‘li nisbatan og‘ir kasallik chalingan, uni davolash uchun pul kerak.
Bir muddat avval tumandagi namunaviy uylardan birining egasi, ko‘p farzandli bu oilaning qiynalib ketganini ko‘rib, ayolning to‘rt o‘g‘li voyaga yetgunicha yashab turish sharti bilan xonadonidan to‘rt sotix yer ajratib bergan. U hokimdan kichkina qurilishi uchun tumandagi buzilgan binodan eski qurilish materiallarini berishni so‘ragan.
“Xo‘jayinim ikkalamiz kun bo‘yi ishga chiqamiz, har kuni. Uyda o‘tirmaymiz. Kichik farzandimizni qo‘shniga tashlab, ishga chiqamiz”, — deydi Anora Shamsitdinova.
Hokim ayolning murojaatini tinglab, yordamchisiga oilaning uyi uchun zaxiradan kamida 20 ta shifer ajratish haqida ko‘rsatma berdi, tuman sog‘liqni saqlash boshqarmasi boshlig‘iga esa kasalmand bolaning bir yillik xarajatini tayyorlash haqida topshiriq berdi. Shuningdek, qabulxonaning o‘zida ayolning farzandlari uchun kiyim-kechak topshirdi.
Videoda murojaatchi ayol tuman hokimining bu g‘amxo‘rligidan yig‘lab yuborganini ko‘rish mumkin.



“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Video: Bekobodda besh farzandli uysiz ayol hokimning g‘amxo‘rligidan yig‘lab yubordi appeared first on Daryo .
Batafsil | Подробно | Read more... Daryo