Rossiya Mudofaa vazirligi: AQSh Davlat departamenti Suriyada terrorchilar kimyoviy qurol qo‘llaganligini tan oldi

Rossiya Mudofaa vazirligi rasmiy vakili general-mayor Igor Konashenkovning ma’lum qilishicha,  AQSh Davlat departamenti “Jibhat an-Nusra” bilan bog‘liq “Hayyat Tahrir ash-Sham” terrorchilik guruhi Suriyada kimyoviy qurol qo‘llaganligini tan oldi. Bu haqda “Gazeta.ru” xabar bermoqda .

Foto: EPA

“Ushbu viloyatda ‘Jibhat an-Nusra’ bilan bog‘liq ‘Hayyat Tahrir ash-Sham’ terrorchilik guruhi amal qiladi. U o‘qotar va og‘ir qurol-yarog‘lar, qo‘lbola portlovchi qurilmalar va kimyoviy quroldan foydalanadi. Bu Davlat departamentining nafaqat kimyoviy qurollar mavjudligi, balki ‘Jibhat an-Nusra’ terrorchilari tomonidan Suriyaning ushbu qismida teraktlar uyushtirish uchun ulardan foydalanganligini rasman tan olishidir. Bu haqda biz bir necha marta ogohlantirgan edik”, — deydi u.
Uning so‘zlariga qaraganda, hozirgi paytda Idlib viloyatida kimyoviy quroldan foydalanish bilan bog‘liq yagona holat Xan-Sheyxunda aniqlangan.
“Biroq AQSh bunda hukumat qo‘shinlarini aybladi. O‘sha teraktni uyushtirgan jangarilarni esa (Amerika Davlat departamenti aniqlashicha, ‘Jibhat an-Nusra’ jangarilari) o‘rtacha muxolifat deb atadi”, — deydi general.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Rossiya Mudofaa vazirligi: AQSh Davlat departamenti Suriyada terrorchilar kimyoviy qurol qo‘llaganligini tan oldi appeared first on Daryo .
Batafsil | Подробно | Read more... Daryo