Ekspert: Raqqaning qo‘lga olinishi IShIDning tugatilishini anglatmaydi

Raqqa shahrining IShID tasarrufidan ozod etilishi terrorchilar bilan kurashishda muhim g‘alaba hisoblanadi, biroq terrorchilik tashkilotining tugatilishini anglatmaydi. Bu haqda din va siyosat instituti direktori Aleksandr Ignatenkoning so‘zlariga asoslanib, “TASS” xabar bermoqda .

Foto: “TASS”

Shaharning kurdlar tomonidan ishg‘ol etilishi esa vaziyatni murakkablashtiradi.
“Raqqaning qo‘lga olinishi uning IShIDning poytaxti sifatidagi yakunini anglatadi. Hozirda Raqqa ‘Suriya demokratik kuchlari’ qo‘liga o‘tmoqda. Biroq, bu harakat IShID ustidan g‘alabani anglatmaydi. Raqqa, shunchaki butun dunyo bo‘ylab terrorchilik tashkiloti nazoratida bo‘lgan ko‘p sonli viloyatlardan biri edi”, — deydi Aleksandr Ignatenko.
Ekspert misol tariqasida terrorchilarning Misrdagi va G‘azo provinsiyasidagi harakatlarini keltirib o‘tdi. Mazkur hududlardagi, shuningdek, Filippinning Maravi provinsiyasidagi to‘qnashuvlarda, rasmiy ma’lumotlarga ko‘ra, 16 nafar politsiya xodimi halok bo‘lgan.
“Bu nuqtalardan tashqari yana qirqtaga yaqin viloyatlar mavjud”, — deya ta’kidlaydi ekspert.
Ekspertning ta’kidlashicha, IShID “mavjud va kengaymoqda” so‘zlarini o‘z shioriga aylantirgan.
“Bu shior IShIDning  muntazam ravishda kengayayotganini anglatadi. Terrorchilik tashkilotining Suriyadagi Raqqa va Iroqdagi Mosul shaharlaridagi markazlari boshqa joylarga ko‘chirilmoqda. Hozir bu markazlar Misrga joylashtirilmoqda, ayrimlar esa ularning Afg‘oniston hududiga joylashishi mumkinligini taxmin qilmoqda”, — deydi ekspert.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Ekspert: Raqqaning qo‘lga olinishi IShIDning tugatilishini anglatmaydi appeared first on Daryo .
Batafsil | Подробно | Read more... Daryo