Android 6.0 Marshmallow operatsion tizimiga o‘zbek tili qo‘shildi

Google’ning Android operatsion tizimining eng yangi versiyasi — Android 6.0 Marshmallow’da o‘zbek tili mavjud. Bu haqda mobil qurilmalari Android 6.0’gacha yangilanib bo‘lgan foydalanuvchilarga tayanib, “Mobinfo.uz” xabar bermoqda .

Foto: “Mobinfo.uz”

Eslatib o‘tamiz , Android operatsion tizimining yangi versiyasi undan foydalanish jarayonini yaxshilashga qaratilgan qator imkoniyatlarga ega, chunonchi:

dasturni nafaqat o‘rnatish vaqtida, balki qolgan boshqa paytlarda ham dasturning axborotni qo‘lga kiritishi ustidan nazorat kuchaytirildi;
ovozsiz rejim, vibratsiya rejimi, shuningdek, har qanday ovozlarni o‘chiradigan yoki, foydalanuvchi tanloviga ko‘ra, faqat budilnik va bildirishnomalarni yoniq qoldiruvchi “Bezovta qilmang” rejimi paydo bo‘ldi;
smartfon ishlatilmayotgan paytda ma’lum bir dasturlarning fonda ishlashini o‘chiradigan uyqu rejimi paydo bo‘ldi, u batareyaning ishlash davomiyligini ancha oshiradi.


Batafsil | Подробно | Read more... Daryo