Ўзбекистон касаба уюшмалари Федерациясида АҚШ делегацияси билан учрашув бўлиб ўтди

Ўзбекистон касаба уюшмалари федерацияси раиси – Болалар меҳнати бўйича мувофиқлаштирувчи кенгаш раиси Танзила Нарбаева 29 август куни АҚШ давлат котибининг Жанубий ва Марказий Осиё масалалари бўйича ёрдамчиси ўринбосари Даниэл Розенблюм билан учрашди. Бу ҳақда UzDaily хабар бермоқда .

Фото: UzDaily

Унда АҚШ давлат котибининг Жанубий ва Марказий Осиё масалалари бўйича ёрдамчиси махсус маслаҳатчиси Р.Миллер, АҚШнинг Ўзбекистондаги элчиси Памела Спратлен, АҚШ элчихонасининг иккинчи котиби Антон Купер, Ўзбекистон Республикасида Болалар меҳнати бўйича мувофиқлаштирувчи кенгаш аъзолари, Касаба уюшмалари Федерациясининг масъул ходимлари иштирок этди.
Дўстона ва самимий руҳда ўтган учрашувда АҚШ делегацияси вакиллари Ўзбекистонда Халқаро Меҳнат Ташкилоти билан имзоланган Муносиб меҳнат дастурини амалга ошириш, болалар меҳнатига йўл қўймаслик борасида олиб борилаётган кенг кўламли ишлар билан таништирилди ҳамда келгусидаги ҳамкорлик масалари муҳокама қилинди.
Учрашув сўнгида АҚШ давлат котибининг Жанубий ва Марказий Осиё масалалари бўйича ёрдамчиси ўринбосари Даниэл Розенблюм Ўзбекистонда мазкур йўналишларда, хусусан, халқаро меҳнат стандартларини амалиётга татбиқ этиш борасида олиб борилаётган тизимли ишлар ҳамда уларнинг ижобий натижаларини эътироф этди.
Batafsil | Подробно | Read more... Daryo