Joze Mourinyodan keyin “Inter”ni Luchano Spaletti ko‘tarishni boshladi. Milanliklar rekordni takrorladi

Milanning “Inter” klubi A seriya turnir jadvalida peshqadam bo‘lib oldi. Chempionatning 10-turini aynan Luchano Spaletti jamoasi boshladi va “Sampdoriya”ni mag‘lub etishga muvaffaq bo‘ldi.

Foto: FotMob

Avvalgi turda “Inter” yo‘qotishlarsiz kelayotgan “Napoli”dan ochko tortib olib, 0:0 hisobida durang o‘ynagandi. Shu tariqa Milan shahri jamoasi 10 ta turda 26 ochko to‘plab, o‘z rekordini takrorladi. Jamoa 1997/98-yilgi mavsumda ham 10 ta turda 26 ochko to‘plashning uddasidan chiqa olgan.



“Inter” navbatdagi 5 turni chempionlik uchun kurashishi tahmin qilingan klublarga qarshi emas, o‘rtamiyonalarga qarshi o‘tkazadi. Demak, jamoada rekordni yangilash uchun imkoniyatlar yetarlicha.

Milan shahri jamoasi bungacha “Fiorentina” (3:0), “Roma” (3:1), “Milan” (3:2) kabi yetakchilarini taslim qila oldi. “Napoli” bilan esa golsiz durang o‘ynadi. Spaletti jamoasi amaldagi chempion “Yuventus” bilan 10-dekabr kuni to‘qnash keladi.

Bugun — 25-oktabr kuni 10-turning qolgan o‘yinlari bo‘lib o‘tadi. Sport-TV ularning 2 tasini jonli namoyish etadi. “Inter” so‘nggi bor 2010-yil chempionlikni qo‘lga kiritib, ketma-ket 5 chempionlikni rasmiylashtirgan. 2010-yil, shuningdek, Chempionlar Ligasida zafar quchgan. Jamoani o‘sha vaqtda Joze Mourinyo boshqarardi.
Italiya A seriyasi
10-tur bellashuvlari
24-oktabr, seshanba
“Inter” — “Sampdoriya” 3:2
Gollar: Milan Shkrinyar, 18 (1:0). Mauro Ikardi, 32 (2:0). Mauro Ikardi, 55 (3:0).David Kovnatski, 64 (3:1). Fabio Kvalyarella, 85 (3:2).
25-oktabr, chorshanba
“Atalanta” — “Verona” — 21:30 Sport-TV
“Roma” — “Krotone” — 23:45
“Yuventus” — “Spal” — 23:45 Sport-TV
“Jenoa” — “Napoli” — 23:45
“Fiorentina” — “Torino” — 23:45
“Kyevo” — “Milan” — 23:45
“Bolonya” — “Latsio” — 23:45

Foto: FotMob

“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Joze Mourinyodan keyin “Inter”ni Luchano Spaletti ko‘tarishni boshladi. Milanliklar rekordni takrorladi appeared first on Daryo .
Batafsil | Подробно | Read more... Daryo