Xorazm viloyatida 147 km ichki yo‘llar ta’mirlandi

Bugungi kunda Xorazm viloyatidagi yo‘l xo‘jaligi korxonalariga qarashli jami 2210 km umumiy foydalanishdagi avtomobil yo‘llari mavjud bo‘lib, shundan 113 km — xalqaro, 706 km — davlat va 1391 km — mahalliy ahamiyatdagi yo‘llar hisoblanadi. Bu haqda Avtomobil yo‘llari davlat qo‘mitasi matbuot xizmati xabar bermoqda .

Foto: Avtomobil yo‘llari davlat qo‘mitasi

O‘zbekiston Respublikasi Prezidentining joriy yil 14-fevraldagi “2017—2018-yillarda mintaqaviy avtomobil yo‘llarini rivojlantirish dasturini amalga oshirish chora-tadbirlari to‘g‘risida”gi qarorida faqat mintaqaviy emas, balki umumiy foydalanuvda bo‘lgan avtomobil yo‘llarini ham qurish va tubdan ta’mirlashning 2017—2018-yillarga mo‘ljallangan yangilangan  dasturi ham tasdiqlangan.
Ushbu qaror ijrosi yuzasidan ayni kunda Xorazm viloyatidagi avtomobil yo‘llari ham qayta qurilib, joriy ta’mirdan chiqarilmoqda.
Jumladan, viloyatdagi 4r161 “Urganch sh. – Cholish k. – Beruniy sh.” yo‘lining Amudaryo ustidagi ko‘prikning kirish-chiqish yo‘llarini qurish, 4р157 “Urganch sh. – Yangiariq sh.” avtomobil yo‘lining 0-8 km qismini qayta qurish, davlat ahamiyatida bo‘lgan – 4р156 “Urganch-Xonqa-Hazorasp-Toshsaqa orqali-Amudaryo” avtomobil yo‘lining 50-62 km qismini, 4р158 “Urganch-Xiva” avtomobil yo‘lining 13-20 km qismini, 4р160 “Urganch-Gurlan-Mang‘it-Turkmaniston chegarasi” avtomobil yo‘lining 0-5 km qismini va 4р162 “Urganch aylanma yo‘li” avtomobil yo‘lining 3-6 km qismini to‘la ta’mirlash ishlari bo‘yicha ishlar davom etmoqda.
Viloyat Avtomobil yo‘llari hududiy bosh boshqarmasi bosh muhandisi A.Qurbonboyevning ma’lumot berishicha, Urganch shahridagi Sayot, Xonqa, Tinchlik, Amudaryo, Sheroziy va G‘afur G‘ulom ko‘chalaridagi to‘la ta’mirlash, Al-Xorazmiy va Beruniy ko‘chalari oralig‘i hamda Xiva  shahrining markaziy ko‘chalari yangidan qurilishi, Shovot tumanidagi K.Otaniyozov va Jaloliddin Manguberdi ko‘chalarida joriy ta’mirlash ishlari bajarilib, natijada ta’mirlangan va yangidan qurilgan ko‘chalar uzunligi 10 km ga yaqinlashdi.
Yuqoridagilardan tashqari 2017-yilning 9 oylik yakunlariga ko‘ra, viloyatdagi 147,2 km ichki yo‘llar ham ta’mirlandi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Xorazm viloyatida 147 km ichki yo‘llar ta’mirlandi appeared first on Daryo .
Batafsil | Подробно | Read more... Daryo