Anvar qori Tursunov “Minor” jome’ masjidi imom-xatibi etib tayinlandi

O‘zbekiston musulmonlari idorasining Toshkent shahar vakili, Toshkent shahar bosh imom-xatibi Anvar Qori Tursunov Yunusobod tumanidagi “Minor” jome’ masjidi imom-xatibi etib tayinlandi. Bu haqda “Daryo”ning O‘MI Toshkent shahar vakilligidagi manbasi ma’lum qildi.

Anvar qori Tursunov. Foto: “Vakillik.uz”

Xabar berishlaricha, Anvar qori Tursunov 7-noyabr, shanba kuni “Minor” jome’ masjidida peshin namozida jamoatga masjidning yangi imom-xatibi sifatida tanishtirilgan.
Anvar qori Tursunov bungacha Shayxontohur tumanidagi “Xoja Ahrori Valiy” masjidi imom-xatibi edi. 2014-yil oktabr oyida ochilgan “Minor” masjidiga esa shu vaqtgacha Rahmatilloh qori Sayfiddinov imomlik qilayotgandi .
Ma’lumot uchun , Anvar qori Tursunov 1958-yil Toshkent shahrida tug‘ilgan bo‘lib, 1981-yil Toshkent Davlat universiteti (hozirgi O‘zMU)ning filologiya fakultetini, 2001-yil Toshkent Islom institutini tamomlagan. Anvar qori Tursunov 1999-yildan buyon Toshkent shahar bosh imom-xatibi vazifasida faoliyat yuritib kelmoqda. U 1989—1992-yillarda Qur’oni karimning birinchi o‘zbekcha tarjimasiga (Shayx Alouddin Mansur tarjimasi) muharrirlik qilgan.
Batafsil | Подробно | Read more... Daryo