Toshkentdagi “Avayxon” jome’ masjidining yangi binosi foydalanishga topshirildi

Toshkent shahri Mirzo Ulug‘bek tumani Qorasuvbo‘yi ko‘chasida joylashgan “Avayxon” jome’ masjidining qayta qurilishdan keyingi ochilishi 6-noyabr, juma kuni bo‘lib o‘tdi. Bu haqda O‘zbekiston musulmonlari idorasi Toshkent shahar vakilligi matbuot xizmati xabar bermoqda .

Foto: “Vakillik.uz”

O‘MI axborotiga ko‘ra , uzunligi 23 metr, eni 16 metrni tashkil etib, bir vaqtning o‘zida 700 dan ziyod namozxonlarni sig‘dira oladigan masjid binosining qurilishi 2014-yil 17-iyun kuni boshlangan edi.

Foto: “Vakillik.uz”

Qurilish boshlanishida O‘zbekiston musulmonlari idorasi raisi, muftiy Usmonxon Alimov tashrif buyurib, xonaqohning birinchi g‘ishtini qo‘yib bergan edi.

Foto: “Vakillik.uz”

Hozirga kelib homiylar, mahalla faollari tomonidan masjidning xonaqoh, qo‘shimcha xonalar, ayvon, darvozaxona va tahoratxona to‘liq qurib bitkazildi.

Foto: “Vakillik.uz”

“Masjidni ochilish marosimiga O‘MI raisi, muftiy Usmonxon Alimov tashrif buyurdi va juma namozini o‘qib berdi. Muftiy hazratlari o‘z ma’ruzalarida masjid ahlining yangi masjid binosi bilan muborak etdi”, — deyiladi O‘MI axborotida.
Batafsil | Подробно | Read more... Daryo