A321 halokati haqidagi suhbatni tinglashda Isroilning roli borligi ma’lum bo‘ldi

Terrorchilarning Rossiyaga tegishli A321 samolyoti Misrda halokatga uchrashi haqidagi suhbatlarining kamida bir qismi Isroil razvedkasi yordamida tinglangan. Bu haqda amerikalik razvedka amaldori va diplomatik manbasiga tayanib, CNN xabar bermoqda, deb yozadi “RBK”.

Foto: “Russkiy kuryer”

Ma’lum bo‘lishicha, terrorchilarning o‘zaro xabarlari Sinay yarim orolida ishlaydigan Isroil razvedkasi tomonidan qo‘lga kiritilgan hamda AQSh va Buyuk Britaniya tomonidan olingan axborot bilan birga topshirilgan. Isroil ma’murlari bu ma’lumotni izohlab o‘tirmadi.
Eslatib o‘tamiz, avvalroq AQSh Federal qidiruv byurosi (FQB) A321 samolyotining Misrdagi halokati sabablarini tekshirishda Rossiyaga yordam berishga rozi bo‘lgani xabar berildi .
31-oktabr, shanba kuni Misrda Metrojet (“Kogalimavia”) aviakompaniyasining Sharm-ash-Shayxdan Sankt-Peterburgga uchayotgan Airbus A321 layneri halokatga uchradi . Samolyot bortida bo‘lgan 224 kishining barchasi  halok bo‘ldi .
Batafsil | Подробно | Read more... Daryo