Britaniyalik aktyor bolaligida Pikassoning 75 mln dollarlik rasmini tashlab yuborgani haqida gapirib berdi

79 yoshli britaniyalik aktyor Brayan Blessid The Telegraph nashriga 12 yoshida dunyoga mashhur rassom Pablo Pikasso bilan uchrashgani haqida gapirib berdi, deb yozadi TJournal. Uchrashuv 1950-yilda Britaniyaning Sheffild shahridagi Butunjahon tinchlik kongressida bo‘lib o‘tgan.

Pikassoning “Tinchlik kabutari”. Foto: TJournal

Yosh Blessid rassomga yaqin kelib, agar u “haqiqatan Pikasso bo‘lsa”, biron narsa chizib berishini so‘raydi. Ispaniyalik bir parcha qog‘ozga tinchlik kabutari tasvirini tushiradi, biroq yigitcha rasmni pisand qilmay shunday deydi: “Bu sizning Pikasso emasligingizni ko‘rsatadi, bu kabutar emas”.
Bo‘lajak aktyor rasm tushirilgan qog‘ozni yerga tashlab yuboradi. Keyinroq uni topib olishadi, u ayni paytda Sheffilddagi galereyada Butunjahon tinchlik kongressi ramzi sifatida saqlanmoqda. Ushbu voqeani Blessid “shafqatsiz moliyaviy dars” deb atadi. Aktyorning ta’kidlashicha, u o‘sha paytda “qariyb 50 million funtni havoga sovurgan” (taxminan 75 million dollar).
Batafsil | Подробно | Read more... Daryo