Senatda AQSh Kongressi delegatsiyasi bilan uchrashuv bo‘lib o‘tdi

Oliy Majlis Senatida AQSh Kongressi Vakillar palatasi a’zosi Trent Kelli boshchiligidagi delegatsiya a’zolari bilan uchrashuv bo‘lib o‘tdi. Bu haqda O‘zA xabar bermoqda .

Foto: Senat axborot xizmati

Senat raisining birinchi o‘rinbosari Sodiq Safoyev bilan suhbat chog‘ida O‘zbekiston va Amerika Qo‘shma Shtatlari o‘rtasida o‘zaro ishonch hamda manfaatdorlikka asoslangan munosabatlar qaror topgani qayd etildi. Ikki davlat rahbarlarining muloqotlari, shu yil sentabr oyida Nyu-Yorkda o‘tkazilgan O‘zbekiston — AQSh biznes-forumi mamlakatlar o‘rtasidagi savdo-iqtisodiy hamkorlik rivojiga yangi sur’at bag‘ishlagani ta’kidlandi.
Uchrashuvda ikki mamlakat parlamentlari o‘rtasidagi aloqalar, xususan, ta’lim, madaniyat, tibbiyot, qishloq xo‘jaligi yo‘nalishlarida samarali hamkorlikni yanada rivojlantirish istiqbollari muhokama qilindi. Ikki tomonlama strategik hamkorlikni yanada mustahkamlash xususida fikr almashildi.
Kongress Vakillar palatasi delegatsiyasi Tashqi ishlar vazirligida ham uchrashuv o‘tkazdi. Toshkent shahrining diqqatga sazovor joylarini tomosha qildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Senatda AQSh Kongressi delegatsiyasi bilan uchrashuv bo‘lib o‘tdi appeared first on Daryo .
Batafsil | Подробно | Read more... Daryo