O‘zbekiston Janubiy Koreyaga uran yetkazib berish bo‘yicha uzoq muddatli shartnomani imzoladi

O‘zbekiston Respublikasi Prezidenti Shavkat Mirziyoyevning Janubiy Koreyaga davlat tashrifi mobaynida o‘zaro manfaatli savdo-iqtisodiy hamkorlikning kengaytirilishiga qaratilgan bir nechta muhim kelishuvlarga erishildi. Bu haqda O‘zbekiston Respublikasi Prezidentining Koreya Respublikasiga davlat tashrifini yoritish bo‘yicha maxsus matbuot markazi xabar berdi.
O‘zbekiston Tashqi savdo vazirligi va Janubiy Koreya Savdo-sanoat va energetika vazirligi tomonidan erkin savdo zonasi yaratish imkoniyati muhokama qilindi va ikki davlat bozorlariga imtiyozli kirishni ta’minlashning zarurligi bo‘yicha prinsipial kelishuvlar amalga oshirildi.

Mavzuga doir:  Janubiy Koreya O‘zbekiston farmatsevtika sohasiga 25 mln dollar investitsiya kiritadi

O‘zbekistonda tashqi savdodagi hamkorlikning ilg‘or shakllarini joriy etish, tashqi savdo operatsiyalarini o‘tkazish va eksportni rag‘batlantirish bilan bog‘liq tartib-qoidalarning yengillashtirilishi maqsadida tomonlar ilg‘or koreys tajribasi asosida O‘zbekiston Respublikasi elektron savdo Milliy platformasini yaratish to‘g‘risida kelishuvga erishdilar va mazkur shartnoma ijrosining amalda tadbiq qilinishi bo‘yicha muvofiq Yo‘l xaritasi tasdiqlandi.
“O‘ztreyd” AJ KITA Koreys xalqaro savdo assotsiatsiyasi va KTNET bilan O‘zbekiston Respublikasida elektron savdoni rivojlantirish yuzasidan hamkorlikdagi faoliyatni tashkil etish bo‘yicha kelishuvga erishilib, memorandum imzolandi.

Mavuzga doir:   O‘zbekiston Sog‘liqni saqlash vazirligi va Janubiy Koreya shifoxonalari o‘rtasida anglashuv memorandumlari imzolandi

Tashrif doirasida o‘tkazilgan o‘zbek—koreys biznes-forumining amaliy natijasi sifatida ikki mamlakat korxonalari o‘rtasida sarhil va qayta ishlangan sabzavotchilik, to‘qimachilik va charm mahsulotlari, mis va boshqa tovarlarni o‘z ichiga olgan 230 million dollardan ziyodroq qiymatdagi mahsulotlarning yetkazib berilishini ko‘zda tutuvchi o‘nlab eksport shartnomalari imzolanganini keltirib o‘tish maqsadga muvofiq. Janubiy Koreyaga uran yetkazib berilishi bo‘yicha uzoq muddatli shartnoma tuzildi.



Shuningdek, bir qator hamkorlikdagi eksportga mo‘ljallangan korxonalar tuzilishi bo‘yicha ham shartnomalarga erishildi, jumladan:

Hwachon Plant-Gemco — Foton DIIK (davlat ilmiy-ishlab chiqarish korxonasi) hududida qimmatbaho zeb-ziynat buyumlari ishlab chiqarilishi bo‘yicha;
AVID Co. Ltd. — O‘zbekiston Tashqi iqtisodiy faoliyat Milliy banki va Olmaliq tog‘-kon metallurgiya kombinati bilan hamkorlikda qimmatbaho zeb-ziynat buyumlari va soatlar ishlab chiqarilishini tashkil etish bo‘yicha;
Seoul Jewelry Industry Cooperative — Asaka banki bilan hamkorlikda qimmatbaho zeb-ziynat buyumlari va soatlar ishlab chiqarilishini tashkil etish bo‘yicha;
Samsung Steel Co. — “O‘zoziqovqatsanoatxolding” bilan hamkorlikda issiqxonalar ishlab chiqarilishi bo‘yicha;

Issiqxona ishlab chiqaruvchilari Konsorsiumi va K&G Plus kompaniyasi o‘rtasida issiqxonalar ishlab chiqarish va qurish sohasida hamkorlik bo‘yicha kelishuvga erishildi.






“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston Janubiy Koreyaga uran yetkazib berish bo‘yicha uzoq muddatli shartnomani imzoladi appeared first on Daryo .
Batafsil | Подробно | Read more... Daryo