London metrosida sodir bo‘lgan vahima sabab 16 kishi jarohat oldi

24-noyabr, juma kuni Londonning Oxford Circus metro bekatida sodir bo‘lgan noxush hodisa oqibatida jami 16 kishi jarohat oldi. Bu haqda poytaxt tez yordam xizmatiga tayanib, “Interfaks” xabar berdi .

Foto: Reuters

Jarohat olganlarning sakkiz nafari yengil jarohatlar bilan, yana biri oyog‘iga jiddiy shikast yetgani sabab shifoxonaga yetkazilgan.
Dastlabki ma’lumotlarga ko‘ra, noxush hodisaga ikki erkak o‘rtasidagi mojaro sabab bo‘lgan, hozirda britan transport politsiyasi ularni qidirish bilan band. Guvohlarning aytishicha, ikki erkak o‘rtasida janjal yuzaga kelgan va o‘q ovoziga o‘xshash tovushlar eshitilgan . Bu esa ommaviy vahimani keltirib chiqargan. Yuzlab odamlar metrodan chiqishga harakat qilgan, ko‘pchilik yiqilib tushib, oyoq ostida qolib ketgan.
Vahima bu vaqtda metro yaqinidagi ko‘chalarda bo‘lgan odamlarga ham ta’sir qilgan. Politsiya yo‘lovchilarga yaqin atrofdagi do‘konlar va kafelarga berkinishni tavsiya qilgan.
Huquq-tartibot xodimlari mavjud ma’lumotlar asosida vaziyatni terrorchilik hujumi deb baholab, harakat qilgan. Keyinroq ushbu ma’lumot tasdiqlanmadi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post London metrosida sodir bo‘lgan vahima sabab 16 kishi jarohat oldi appeared first on Daryo .
Batafsil | Подробно | Read more... Daryo